Vilko í útrás – umfjöllun á N4
Fyrirtækið Vilko á Blönduósi var nýverið til umfjöllunar á sjónvarpsstöðinni N4 þar sem rætt var við framkvæmdarstjórann Kára Kárason og segir hann frá þeim vörum sem eru í framleiðslu hjá fyrirtækinu. Sumar hverjar hafa haldist óbreyttar svo áratugum skiptir en aðrar í vöruþróun. Einnig ræðir hann um fyrirhugaða útrás fyrirtækisins til Færeyja.
Að sögn Kára hafa hafa kakósúpurnar, bláberjasúpurnar og sætsúpurnar verið vinsælastar hjá Vilko í gengum tíðina en fyritækið hefur einnig framleitt Prima krydd um árabil. Þar er pizzakryddið langvinsælast og selst í tugum þúsunda um þessar mundir.
Salan á Prima kryddi hefur verið að aukast frá ári til árs og er í sífelldri vöruþróun. Mikil fræði eru í kringum kryddin og nefnir sem dæmi nýjasta krydd fyrirtækisins Húnagull þar sem saltið er húðað með olíu og fjarlægir því ekki safann úr kjötinu fyrir steikingu.
Fyrirtækið hefur alltaf haft það að leiðarljósi að uppskriftum fyrirtækisins er aldrei breytt þannig að neytandinn getur verið viss um að súpan sem hann fær sé samskonar og hann fékk jafnvel áratugum áður. „Þetta er í rauninni það sem gæðin ganga út á, að þú getir fengið nákvæmlega sömu vöruna aftur, aftur og aftur nákvæmlega eins,“ útskýrði Kári en það er m.a. gert með því að nota alltaf sama hráefnið og skipta við sömu birgja.
Fram kemur að fyrirtæki hafi verið markaðsráðandi á Ísland svo áratugum skiptir en nú er stefnan m.a. sett á Færeyjar. „Við ætlum nú að kenna Færeyjingum að borða Vilko vöfflur,“ sagði Kári en hann er mjög bjartsýnn á að Færeyjingar eiga eftir að taka þeim mjög vel.
Fyrirtækið seldi nýlega vöfflur til Hollands þar sem þær lentu í könnunarúrtaki, ásamt fleiri vöfflum, en að sögn Kára fengu þær vægast sagt mjög góða dóma og voru sagðar bestu vöfflurnar.
Hér má sjá innslagið frá N4.
Fleiri fréttir
-
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira
