VÍS styður við bakið á bændum á Norðurlandi
Vátryggingafélag Íslands lagði eina og hálfa milljón króna til fjársöfnunar fyrir bændur á Norðurlandi sem urðu fyrir búsifjum í veðuráhlaupinu nyrðra snemma í september, þar sem talið er að 10 þúsund fjár hafi farist. Söfnun til að styðja við bakið á bændum var hleypt af stokkunum á Sauðárkróki nýverið, í tengslum við bændadaga KS.
Sérstök verkefnisstjórn hefur umsjón með söfnuninni og leitaði VÍS til hennar um að taka á móti fjárstyrki félagsins til bænda. Í fréttatilkynningu frá VÍS kemur fram að Guðni Ágústsson, fyrrverandi landbúnaðarráðherra og formaður nefndarinnar tók við styrknum frá VÍS fyrir hönd söfnunarinnar.
„Mér hlýnaði um hjartarætur þegar ég var kallaður til fundar hjá VÍS og fann strax að hugur Sigrúnar Rögnu, Auðar Bjarkar og annarra VÍS-ara var hjá fólkinu fyrir norðan. Þær stöllur nýbúnar að kynna sér störf bænda þar og koma við í hinum afkastamiklu sláturhúsum bæði á Sauðárkróki og Akureyri. Mitt góða félag VÍS stendur undir nafni: Þar snúast tryggingar um fólk. Það er gott til þess að vita að þjóðin eigi enn það hjartalag að landsmenn finna til í stormum sinnar tíðar,“ sagði Guðni Ágústsson þegar hann veitti styrknum viðtöku og þakkaði fyrir frumkvæðið.
„Við viljum leggja okkar að mörkum til að létta undir með bændum í þeim hremmingum sem þeir lentu í 10. september síðastliðinn. Það hefur verið lofsvert að fylgjast með þrautseigju þeirra sem og allra annarra sem lögðu hönd á plóg til að bjarga fénu. Leiðir VÍS og bænda liggja saman á svo mörgum sviðum að það er með mikilli ánægju sem við tökum þátt í þessari söfnun,“ segir Sigrún Ragna Ólafsdóttir forstjóri VÍS í fréttatilkynningunni.
Í tilkynningunni kemur fram að VÍS hefur alla tíð lagt ríka áherslu á veita bændum bestu þjónustu sem völ er á enda fjölmargir þeirra í viðskiptum við félagið. Árið 1999 var gerður sérstakur rammasamningur við Bændasamtökin þar sem landbúnaðartrygging VÍS er hornsteinninn. Sex bændafulltrúar starfa hjá VÍS sem ýmist heimsækja eða hafa reglulega sambandi við bændur til að fara yfir tryggingaþörf þeirra, forvarnir og öryggismál.
„Með sívaxandi áherslu á forvarnir og nánu samstarfi við viðskiptavini má í mörgum tilvikum fyrirbyggja tjónin, öllum til hagsbóta,“ segir loks í fréttatilkynningunni.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
