Eigum mikið inni - segir Pavel
„Ég var mjög ánægður með bróðurpartinn af leiknum. Liðið var að spila jafn vel og ég hef séð í vetur,“ sagði Pavel Ermolinski, þjálfari karlaliðs Tindastóls, þegar Feykir spurði hvort hann hefði verið ánægður með leik sinna manna í tapinu gegn Grindavík. „En svo fór allt í skrúfuna og við frusum algjörlega,“ bætti hann við.
„Það á ekki að gerast og núna vinnum við í að leysa það eins og öll önnur vandamál,“ sagði Pavel.
Finnst þér leikur liðsins vera að smella þó úrslit ársins hafi ekki verið góð? „Nei, það er eitthvað í land með það. Við erum að bæta okkur jafnt og þétt og eigum mikið inni. Það koma upp nýjar hindranir sem þú þarft að yfirstíga og við erum að vinna í því á yfirvegaðan og jákvæðan hátt. Ég tel að það sé rétta leiðin í svona aðstæðum. Þú leysir vandamál þangað til að það eru ekki fleiri vandamál að leysa. Körfuboltatímabil er langt ferðalag, þú veist aldrei hvaða leið þú þarft að fara til þess að ná markmiðum þínum.“
Annað kvöld mæta Vesturbæingar í Síkið en þá eigast lið Tindastóls og KR við í átta liða úrslitum VIS-bikarsins. Þeir svarthvítu spila nú í 1. deildinni eftir erfitt ár í Subway-deildinni tímabilið á undan en liðið er nú í 2. sæti í 1. deildinni þar sem ÍR trónir á toppnum.
Hverju megum við eiga von á í bikarleiknum gegn KR? „Hörku bikarleik fyrst og fremst. Þetta er KR, sama hvaða deild þeir spila í. Þeim skortir ekki sjálfstraust. Við munum mæta með góða blöndu af sjálfstrausti og auðmýkt og gefa allt í þetta,“ segir Pavel að endingu.
Þá er bara að fjölmenna í Síkið og koma okkar mönnum á sigurbraut á ný. Sigurvegarinn í viðureigninni mætir í undanúrslitin í körfuboltaveislu í Laugardalshöllinni.
Fleiri fréttir
-
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira -
Níu stigu á svið á Open Mic kvöldi Leikfélags Blönduóss
feykir.is Austur-Húnavatnssýsla, Listir og menning, Mannlíf 28.04.2024 kl. 10.35Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur. Feykir spurði Eva Guðbjartsdóttur, forynju LB, aðeins út í viðburðinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.