Ekki beinlínis ágætis byrjun
Fyrsti leikur karlaliðs Tindastóls í úrslitakeppninni fór fram í Smáranum í Kópavogi í gærkvöldi. Ekki ráku meistararnir beinlínis af sér slyðruorðið með frammistöðu sinni þrátt fyrir að hafa skorað 88 stig því Grindvíkingar gerðu 111 og synd að segja að varnarleikur Stólanna hafi verið upp á marga fiska. Það voru tapaðir boltar sem reyndust dýrkeyptir að þessu sinni. Venju samkvæmt voru Stólarnir vel og dyggilega studdir en það var fátt til að gleðja þá þegar á leið.
Það vantaði svo sem ekki að leikurinn var fjörugur. Fyrsti leikhluti var jafn og staðan 22-22 þegar ein og hálf mínúta var eftir en Grindvíkingar leiddu að honum loknum, 29-25. Tindastólsmenn héldu vel í heimamenn framan af öðrum leikhluta, staðan 39-36, þegar þrjár og hálf mínúta var liðin en þá náðu Grindvíkingar undirtökunum og komust mest 17 stigum yfir fyrir hlé. Staðan í hálfleik 56-41 og Stólarnir í erfiðri stöðu.
Ekki skánaði staðan í upphafi síðari hálfleiks þar sem Grindvíkingar gerðu fyrstu tíu stig síðari hálfleiks og þar með búnir að ná 25 stiga forystu. Reyndar var staða Stólanna svo sorgleg að þegar tvær mínútur voru liðnar af seinni hálfleik hafði Dedrick Basile gert 19 stig – eða jafn mörg stig og allt byrjunarlið Tindastóls. Staðan var 86-63 að loknum þriðja leikhluta en mest varð forysta heimamanna 28 stig í upphafi fjórða leikhluta og úrslitin löngu ráðin.
Raunar var skotnýting liðanna á svipuðu róli og bara ansi góð en munurinn var sá að lið Grindavíkur tók talsvert fleiri skot í leiknum – sennilega vegna þess að Stólarnir töpuðu 18 boltum en Grindvíkingar sjö. Þetta leiddi til þess að þeir gerðu 21 stig í hraðaupphlaupum gegn sex stigum Stólanna og 27 stig eftir að Stólarnir töpuðu boltanum á meðan okkar menn gerðu fimm stig eftir að Grindvíkiingar töpuðu boltanum. Og þar lá hundurinn grafinn að þessu sinni.
Jacob Calloway var stigahæstur í liði Tindastóls með 18 stig og Davis Geks gerði 16 stig. Lawson og Drungilas gerðu 13 stig hvor en Drungilas var með sjö fráköst líkt og Þórir sem gerði að auki sjö stig og átti ellefu stoðsendingar.
Þetta er auðvitað bara einn sigur hjá Grindvíkingum og Stólarnir hafa tíma og lið til að bregðast við. Þá þurfa strákarnir auðvitað að stíga upp og það hefur nú ekki gengið sérlega vel í vetur og augljóslega ekki einhver takki sem hægt er að ýta á. Stólarnir verða að koma enn einbeittari og ákafari til leiks á mánudaginn í Síkinu. Svavar þjálfari lofar í það minnsta betri frammistöðu þá. Áfram Tindastóll!
Fleiri fréttir
-
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.