Húnvetningar herja á Grenivík
Það hafa mörg fótboltaliðin farið fýluferð til Grenivíkur í gegnum tíðina. Lið Kormáks/Hvatar gírar sig nú glaðbeitt upp í ferð á víkina Grenis því á morgun spila Húnvetningar 21. leik sumarsins og með hagstæðum úrslitum gætu þeir tryggt sér sæti í 2. deild þegar ein umferð er eftir af tímabilinu.
Lið heimamanna hefur ekki átt sérstöku gengi að fagna í sumar, er í sjöunda sæti með 27 stig, en Kormákur/Hvöt er með 41 stig. Borubrattir aðdáendur Kormáks/Hvatar segjast fara í Eyjafjörðinn fullir væntinga og vona. „Burtséð frá hvað gerist þar þá er risahátíð þann 16. september á Blönduósi!“ Þá fer nefnilega fram síðasta umferðin í 3. deild þetta sumar og lið Augnabliks mætir þá á Blönduósvöll.
Sætaferðir verða farnar frá Reykjavík, Hvammstanga og Blönduósi á Grenivík og heyrst hefur að fyrstu bílar leggi af stað um 7 í fyrramálið. „Staferðir á einkabílum, ekki gömlu góðu í rútunum. Það eru allir í göngum og slíku svo menn eru dreifðir um allar koppgrundir,“ segir í svari Aðdáendasíðunnar þegar Feykir spyr hvar nálgast má sæti.
Leikurinn hefst kl. 14:00 og væntanlega verður bein textalýsing á Facebook-síðunni góðu. Áfram Kormákur/Hvöt!
Fleiri fréttir
-
Undirbúningur að uppsetningu á nýstárleg gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.