Karl Lúðvíksson hlaut Samfélagsviðurkenningu Molduxa 2023
Við setningu Jólamóts Molduxa, sem haldið var annan dag jóla, var upplýst hver hlýtur hin eftirsóttu Samfélagsviðurkenningu Molduxa en þau hafa verið veitt frá árinu 2015. Að þessu sinni féll hún Karli Lúðvíkssyni í skaut en hann hefur verið ötull í hvers kyns starfi fyrir sitt samfélag á sviði almenningsíþrótta og sjálfboðaliðsstarfa, ekki síst í þágu fatlaðra.
Karl, eða Kalli, eins og hann er iðulega kallaður, er frá Skagaströnd en hefur átt heima í Varmahlíð í 39 ár og þar er gott að búa, segir hann. Kalli tók tvö ár við undirbúningsdeild sérnáms í Kennaraskóla Íslands (1969-1971) og fór síðan í Íþróttakennaraskóla Íslands á Laugarvatni og útskrifaðist þaðan sem íþróttakennari 1972 og auk þess með kennararéttindi í nokkrum bóklegum greinum.
Nú er kappinn kominn á áttræðisaldur og hættur að kenna nema skyndihjálp og endurlífgun og skyndihjálp og björgun. Hann segist þó reyndar vera með tvo íþróttatíma í viku fyrir 16 ára og eldri á vegum Ungmenna- og íþróttafélagsins Smára í Varmahlíð sem samanstanda af stöðvaþjálfun og bandý. Þetta gerir hann í sjálfboðavinnu og hefur gaman af vegna þess að hópurinn er góður og takmarkið að viðhalda góðri heilsu bæði andlega og líkamlega.
Störfin með fötluðum hafa gefið Kalla mest
Kalli er með kennsluréttindi í stafgöngu og hefur leiðbeint bæði hópum og einstaklingum sem hafa leitað til hans og alltaf í sjálfboðavinnu. Síðan hefur hann verið með vatnsleikfimi fyrir þá sem búa við einhverja hreyfihömlun eða fötlun þegar Farskólinn hefur leitað til hans.
Þá eru ótalin fjöldi verkefna fyrir bæði Rauða krossinn og Kiwanisklúbbinn Drangey sem hann hefur komið að í sjálfboðavinnu og haft bæði gagn og gaman af.
Hann segir störf sín með fötluðum hafa gefið sér mesta gleði gegnum tíðina, bæði í kennslu, sumarbúðastarfi og öðrum verkefnum og samveru með þeim. Þar á hann líka marga góða vini og auk þess marga góða vini í hópi foreldra þeirra sem alltaf studdu við það sem gert var á jákvæðan og uppbyggilegan hátt.
Í lokin má minnast á góðan árangur í bæði júdó- og glímuþjálfun vegna þess að margoft fór Kalli með unga keppendur Júdódeildar Tindastóls á Íslandsmót í júdó og kom heim með nokkra Íslandsmeistara í yngri flokkunum og eitt sinn var hann með glímuþjálfun í Varmahlíðarskóla og fór þá með þrjá drengi á mót í Keflavík og að sjálfsögðu unnu þeir til verðlauna.
Skúli hlaut Samfélagsviðurkenninguna fyrstur
Það var Skúli Jónsson sem fyrstur manna tók við Samfélagsviðurkenningu Molduxa árið 2015 en árið eftir fékk þau Rannveig Helgadóttir, Kári Marísson 2017, Hrafnhildur Pétursdóttir 2018 og árið 2019 kom hún í hlut Árna Stefánssonar. Vegna Covid-áhrifa voru hvorki haldin mót árin 2020 né 2021 en í fyrra, 2022 komu þau í hlut Björns Hansen.
/fréttatilkynning
Fleiri fréttir
-
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira -
Níu stigu á svið á Open Mic kvöldi Leikfélags Blönduóss
feykir.is Austur-Húnavatnssýsla, Listir og menning, Mannlíf 28.04.2024 kl. 10.35Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur. Feykir spurði Eva Guðbjartsdóttur, forynju LB, aðeins út í viðburðinn.Meira -
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.