Keppni í kökuskreytingum á Unglingalandsmóti
Keppni í kökuskreytingum hefur verið á meðal þeirra fjölmennustu síðan greinin var kynnt til sögunnar fyrir nokkrum árum. Keppendur vinna með þema í kökuskreytingum. Þemað er fjölbreytileiki þetta árið.
„Keppendur þurfa að hugsa út fyrir kassann og sjá tækifærin sem leynast í hráefninu sem unnið er með,“ segir bakarameistarinn Róbert Óttarsson, sem er sérgreinastjóri í kökuskreytingum. Róbert segir undirbúning fyrir keppni í kökuskreytingum ganga vel og fólk á Króknum fullt tilhlökkunar.
TUGIR ÍÞRÓTTAGREINA
Unglingalandsmót UMFÍ hefst fimmtudaginn 3. ágúst og stendur það fram á sunnudaginn 6. ágúst. Mótið er fyrir keppendur sem verða 11 ára á árinu og upp í 18 ára. Boðið verður upp á næstum 20 keppnisgreinar og mikinn fjölda allskonar íþróttagreina og viðburða sem öll fjölskyldan getur tekið þátt í. Þar á meðal verður blindafótbolti, badminton með LED-ljósakúlum, borðtennis og bandý, tónleikar á hverju kvöldi og margt, margt fleira.
Keppni í kökuskreytingum verður í íþróttahúsinu á Sauðárkróki á sunnudeginum á milli klukkan 17:00-19:00.
Keppendur þurfa að koma með áhöld til skreytinga sem henta hverjum og einum, svo sem stúta, sprautur, sleikjur, skeiðar, hnífa, skæri, gaffla og ýmis skreytingatól. Á staðnum fá keppendur kökubotna og smjörkrem, ýmsar gerðir af matarlit og kökuskraut.
Einstaklingar geta tekið þátt og í tveggja manna liði. Veitt eru verðlaun hvoru tveggja í flokki einstaklinga og liðaflokki.
„Svo þurfa keppendur að vera hugmyndaríkir og útfæra kökurnar eftir eigin höfði,“ segir Róbert.
Fleiri fréttir
-
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira -
Ólík nálgun á snjallfækkun
feykir.is Skagafjörður, Mannlíf 16.05.2024 kl. 14.21Um fjörtíu háskólanemar og kennarar frá sex erlendum háskólum, af tólf þjóðernum, heimsóttu Byggðastofnun í gær á vegum Háskólaseturs Vestfjarða sem er hluti af alþjóðlegu samstarfi og skipuleggur sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.Meira -
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira -
Sigurbjörg ráðin yfirlæknir á HSN á Króknum
feykir.is Skagafjörður, Mannlíf 16.05.2024 kl. 11.25Sigurbjörg Ólafsdóttir, heimilislæknir, hefur verið ráðin yfirlæknir á HSN Sauðárkróki. Sigurbjörg lauk námi frá læknadeild Háskóla Íslands árið 2012 og hóf sérnám í heimilislækningum á HSN Sauðárkróki 2014. Hún hélt síðar til Svíþjóðar hvaðan hún lauk sérnámi árið 2020 og hefur síðan starfað þar á heilsugæslustöðvum sem heimilislæknir.Meira -
Krúttlegur hryllingur í Bifröst | Kristín Einars kíkti í leikhús
feykir.is Skagafjörður, Listir og menning 16.05.2024 kl. 09.34Væntingum var verulega stillt í hóf þegar undirrituð lagði leið sína í Bifröst á sunnudagskvöldið. Ekki var það á nokkurn hátt vantrú á hæfileika skagfirskra áhugaleikara eða leikhúsfólks í Firðinum sem réði því, heldur miklu frekar áhyggjur af því að ein af sterkustu leikhúsupplifunum æsku minnar trufluðu þessa upplifun sem í vændum var. Ég var nefnilega rétt að detta í tólf ára aldurinn þegar ég sá fyrstu uppsetningu verksins hér á landi í Gamla bíói. Þar voru Leifur Hauksson, Edda Heiðrún, Gísli Rúnar og Laddi meðal leikara og Björgvin Halldórsson léði plöntunni rödd sína. En ég var fljót að ýta þeim áhyggjum til hliðar og naut hverrar sekúndu í Bifröst. Þvílík fagmennska og flottur hópur sem þarna lét ljós sitt skína! Það er kannski klisjukennt að tala um að toppa sig, en það gerði Leikfélag Sauðárkróks svo sannarlega með þessari sýningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.