Félagsmenn Verslunarmannafélags Skagafjarðar samþykktu nýjan kjarasamning
Þó alþjóðlegi vöffludagurinn sé í dag þá er þegar um hálfur mánuður síðan vöffluilminn lagði yfir landið í kjölfar þess að skrifað var undir kjarasamninga. Síðustu daga hafa félagsmenn stéttarfélaganna kosið um samningana og á heimasíðu Verslunarmannafélags Skagafjarðar er sagt frá því að atkvæðagreiðslu þar lauk 21. mars sl. og var samningur Landssambands íslenskra verslunarmanna samþykktur með 85% atkvæða.
Niðurstaðan var eftirfarandi:
Já sögðu 46 eða 85,19%
Nei sögðu 8 eða 14,81%
Á kjörskrá voru 176 en atkvæði greiddu 54 eða 30,68%. Kjarasamningurinn tekur gildi frá 1. febrúar 2024 og gildir til 31. janúar 2028.
„Einfalda útgáfan af því hvað felst í samningunum er að laun félagsmanna hækka afturvirkt frá 1. febrúar og í ár um 3,25% en að lágmarki 23.750,- og síðan er hækkun á hverju ári 2025-2027. Desember og orlofsuppbætur hækka einnig. Samið var um aukin réttindi vegna orlofs. Til dæmis skal starfsfólk sem starfað hefur í 6 mánuði í sama fyrirtæki og náð hefur 22 ára aldri eða í 6 mánuði í sama fyrirtæki eftir framhaldskólapróf eiga rétt á orlofi í 25 daga og er miðað við orlof sem kemur til töku á orlofsárinu sem hefst 1. maí 2025. Orlofsréttindi verða svo aukin frekar orlofsárið sem hefst 1. maí 2026, meðal annars er þá kveðið á um að eftir 6 ár í sama fyrirtæki skuli starfsfólk hafa 30 daga orlof,“ tjáði Hjörtur Geirmundsson, formaður Verslunarmannafélags Skagafjarðar, blaðamanni Feykis sem bað um stuttu útgáfuna af samningunum.
Fleiri fréttir
-
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira -
Karl Lúðvíks sæmdur Gullmerki UMFÍ
feykir.is Skagafjörður, Íþróttir 30.04.2024 kl. 10.06Það var ekki nóg með að Gunnar Þór Gestsson væri sæmdur Gullmerki ÍSÍ á ársþingi UMSS um liðna helgi því auk hans var íþróttakempan og kennarinn Karl Lúðvíksson sæmdur Gullmerki UMFÍ. Í frétt á vef Ungmennafélags Íslands segir að Karl sé þekktur fyrir störf sín og er fastagestur á Landsmóti UMFÍ 50+ sem haldið er ár hvert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.