Stafræn leiðsögn um Þrístapa og Villa Nova
feykir.is
Skagafjörður, Austur-Húnavatnssýsla, Vestur-Húnavatnssýsla
14.03.2024
kl. 11.24
Ljósmynd af Villa Nova tekin á tímabilinu 1905-1912. Mynd úr safni HSk. tekin af heimasíðu Héraðsskjalasafnsins.
Í byrjun janúar úthlutaði SSNV, Samtök Sveitarfélaga á Norðurlandi vestra, úr Uppbyggingasjóði og var Sýndarveruleiki ehf. á Sauðárkróki veitt styrk upp á 2.500.000 milljón króna til að vinna að verkefni sem felst í frekari tilraunum á virkni þeirra tæknilausna sem þróaðar hafa verið innan vébanda Sýndarveruleikans undanfarin ár. Er það ætlað að lengja dvalartíma ferðafólks á svæðinu með tilheyrandi margfeldisáhrifum í ferðaþjónustu.
Feykir setti sig í samband við Freyju Rut Emilsdóttur, framkvæmdarstjóra Sýndarveruleika ehf, sem á og rekur sýninguna 1238:Baráttan um Ísland og spurði nánar út í þetta áhugaverða verkefni.
"Á Þrístöpum í Húnabyggð verður gestum boðið að skanna kóða og fá þannig hljóðleiðsögn í sín snjalltæki. Við Villa Nova á Sauðárkróki munu gestir einnig geta nálgast hljóðleiðsögn, en einnig nýtt viðbættan veruleika til að sjá myndir af húsinu á mismunandi tímabilum í sögu þess. Allt efnið munu gestir geta nálgast endurgjaldslaus. Ætlunin er að upplifun gesta verði meiri, dvölin ánægjulegri, en líka lengri sem vonandi verður til þess að heildardvöl á svæðinu lengist, með tilheyrandi kaupum á þjónustu á svæðinu."
Ljósm. af Þrístöpum. Mynd:PF
Þá segir Freyja að ferðafólki sem sækja heim þá tvo staði sem hér um ræðir hefur fjölgað mikið undanfarin misseri og hefur bætt aðgengi að Þrístöpum stóraukið áhuga á staðnum. Margir aðrir þættir hafa einnig haft áhrif eins og m.a. koma skemmtiferðaskipa í höfn á Sauðárkróki hefur fjölgað sem og þeim sem leggja leið sína í Aðalgötuna á Sauðárkróki. Miklar upplýsingar, sögur og myndefni eru til í kringum Villa Nova og önnur sögufræg hús í Aðalgötunni og ekki þarf að hafa mörg orð um þá sögu sem tengist Þrístöpum. Þar hafa Magnús Sveinsson og fleiri verið duglegir við að leiðsegja um svæðið og segja sögur, auk þess sem ritaðar hafa verið skáldsögur og framleiddar kvikmyndir um þá atburði sem þar áttu sér stað.
"Stafrænni leiðsögn um sögustaði er ætlað að brúa bil milli þjóðlegs fróðleiks og ferðafólks - með notkun snjalltækja. Þessi þjóðlegi fróðleikur liggur víða, í handritum, í skýrslum, í bókum og í munnlegri geymd, en aðgengi ferðafólks að þessum upplýsingum er oft flókið sem verður til þess að fólk kemur við á sögustöðum og skoðar gömul hús án þess að kynnast sögu viðkomandi staða. Ný tækni, viðbættur veruleiki (augmented reality) gefur gestum kost á að skoða gamlar myndir af stöðum með því að beina myndavél að viðkomandi stað. Þannig er t.d. ætlunin að notendur stafrænnar leiðsagnar um sögustaði geti beint myndavél á snjalltæki að Villa Nova og séð á skjánum hvernig húsið leit út á mismunandi tímabilum á síðustu öld," segir Freyja.
Fyrirtækið Sýndarveruleiki ehf. hefur unnið að nýsköpun og nýtingu nútímatækni til menningarmiðlunar frá stofnun árið 2017. Sýningin 1238 : Baráttan um Ísland á Sauðárkróki er í fararbroddi þeirra sem nýta tæknilausnir í miðlun sögu og það verkefni sem hér er til umfjöllunar er afrakstur þeirrar vinnu sem þar hefur verið unnin. Í fyrirtækinu er nú þekking á uppbyggingu menningartengdrar ferðaþjónustu og nýtingu á nýjustu tækni í miðlun og er verkefnið liður í að byggja enn frekar undir þá starfsemi og skapa um leið nýja möguleika fyrir ferðafólk á Norðurlandi vestra.
Fleiri fréttir
-
Metfjöldi brautskráðra frá Háskólanum á Hólum – spennandi framtíð framundan
feykir.is Skagafjörður, Listir og menning, Lokað efni 31.10.2025 kl. 15.18Háskólinn á Hólum hélt hátíðlega brautskráningarathöfn þann 10. október sl. þar sem 43 kandídatar luku námi. Alls útskrifast 86 kandítatar árið 2025, sem er með stærstu útskriftarhópum í sögu skólans. Brautskráðir kandídatar koma úr fjölbreyttum greinum — hestafræði, fiskeldi og fiskalíffræði, ferðamálafræði og viðburðastjórnun. Í ávarpi sínu fagnaði Hólmfríður Sveinsdóttir, rektor Háskólans á Hólum árangri nemenda og lagði áherslu á mikilvægi menntunar, gagnrýninnar hugsunar og frjálsra vísinda í samfélaginu.Meira -
Nóvember er sundmánuður
feykir.is Íþróttir, Vestur-Húnavatnssýsla 31.10.2025 kl. 15.15Sundlaugin á Hvammstanga hefur skráð sig til leiks í landsátakinu Syndum, sem byrjar á morgun 1. nóvember. Þetta kemur fram á vefsíðu Húnaþings vestra.Meira -
Óskar Smári orðinn þjálfari kvennaliðs Stjörnunnar
feykir.is Skagafjörður, Íþróttir, Lokað efni 31.10.2025 kl. 15.04Það fór líkt og Feykir ýjaði að fyrr í vikunni að Óskar Smári Haraldsson, knattspyrnuþjálfarinn eiturhressi frá Brautarholti, hefur ákveðið að taka við Bestu deildar liði Stjörnunnar. Sérdeilis glæsilegt hjá Óskari Smára og rétt að óska honum til hamingju en lið Stjörnunnar mörgum efnilegum leikmönnum.Meira -
Byggðarráð Skagafjarðar fagnar markmiðum reglugerðar vegna riðu í sauðfé
feykir.is Skagafjörður, Lokað efni 31.10.2025 kl. 07.36Á fundi byggðarráðs Skagafjarðar sl. miðvikudag voru meðal annars tekin til skoðunar drög atvinnuvegaráðuneytisins að reglugerð um riðuveiki í sauðfé. Fagnaði byggðarráð markmiðum reglugerðarinnar „... um að lögð verði megin áhersla á að útrýma riðuveiki á Íslandi með verndun fjárstofns sem ber verndandi aðgerðir gegn riðusmitefni, ásamt áframhaldandi aðgerðum til að hefta mögnun og dreifingu smitefnisins.“Meira -
Sameining Dalabyggðar og Húnaþings vestra yrði framfaraskref fyrir íbúa
feykir.is Vestur-Húnavatnssýsla 31.10.2025 kl. 07.28Samstarfsnefnd um sameiningu Dalabyggðar og Húnaþings vestra hefur skilað áliti sínu til sveitarstjórna sveitarfélaganna. Í frétt á Húnahorninu segir að þar komi m.a. fram að fjárhagur sameinaðs sveitarfélags yrði sterkur og fjárfestingargeta þess betri en hjá sveitarfélögunum hvoru um sig.Meira
