Rafmagnslaust frá Hvammstanga að Torfustöðum og frá Reykjaskóla að Laugabakka

Mynd: Arnar Valdimarsson.
Mynd: Arnar Valdimarsson.

Í gærkvöldi og nótt voru truflanir á kerfi RARIK út frá Hrútatungu og Laxárvatni og er nú rafmagnslaust á svæðinu frá Hvammstanga að Torfustöðum og frá Reykjaskóla að Laugabakka. Bilanaleit hefur staðið yfir í alla nótt og stendur enn.

Á heimasíðu RARIK eru notendur sem tengdir eru varaafli beðnir um að spara rafmagn eins og kostur er. „Nú er atvinnulífið á Dalvík að fara í fullan gang og óskað er eftir að fólk fari sparlega með rafmagn frá kl. 6-18 til að draga úr líkum á óæskilegum truflunum‚ í því skyni er rétt að nota t.d. ekki þvottavélar, þurrkara, eldavélar, bakaraofna og önnur tæki sem nota mikið rafmagn,“ segir á rarik.is.

Mikið er um rafmagnstruflanir og bilanir á Norðurlandi eystra samkvæmt stöðuuppfærsla RARIK kl. 8:20 í morgun.

Norðausturhornið:
Enn eru keyrðar varaaflsvélar á Raufarhöfn, Þórshöfn og Bakkafirði. Allir á þessu svæði eru með rafmagn. Viðgerð er lokið á línu í Þistilfirði.

Þingeyjarsveit:
Bilun er í Reykjadal, en allir eru með rafmagn.

Fnjóskadalur:
Einhverjar bilanir en þeir sem þurfa hafa varaafl.

Grýtubakkahreppur:
Lína frá Nolli að Sveinbjarnargerði er öll niðri og varaafl er keyrt þar sem þörf er á.

Árskógssandur:
Vegna bilunar á Dalvíkurlínu er rafmagn nú tekið frá Rangárvöllum sem veldur lágri spennu og lélegum spennugæðum.

Hrísey:
Keyrt er á varaafli vegna bilunar á Dalvíkurlínu.

Svarfaðardalur:
Allur Svarfaðardalur er kominn með rafmagn fyrir utan þrjár spennistöðvar þar sem ekki er föst búseta. Keyrt er á varaafli frá Dalvík.

33 kV lína frá Dalvík til Árskógsands:
Línan er slitin og mikið sliguð. Mikill halli er á staurum. Viðgerð er hafin á línunni.

Dalvík:
Búið er að tengja tiltækt varaafl á Dalvík. Varðskipið Þór er að framleiða fyrir alla almenna notkun. Viðgerð er hafin á Ólafsfjarðarlínu.

Siglufjörður/Ólafsfjörður:
Komið er rafmagn frá Skeiðsfossvirkjun, allir almennir notendur með rafmagn.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir