1800 sjálfboðaliðar hreinsa íslensku strandlengjuna
Fjölmargir sjálfboðaliðar Veraldarvina hafa gengið fjörur um allt land í vetur og safnað rusli sem safnast hefur við íslensku strandlengjuna. Veraldarvinir eru íslensk sjálfboðasamtök sem setja umhverfismál í öndvegi. Samtökin fagna 20 ára afmæli á þessu ári en Þórarinn Ívarsson stofnaði samtökin árið 2001. Markmið Veraldarvina er að stuðla að heilbrigðum lífsháttum og betri umgengni manna við umhverfið.
Um 1800 sjálfboðaliðar hafa komið til landsins á vegum Veraldarvina árlega og einbeitt sér að náttúruvernd, m.a. með því að leggja gönguleiðir og rækta plöntur en einnig með hreinsun íslensku strandlengjunnar. Samtals hafa sjálfboðaliðar lagt fram yfir 2,1 milljón klukkustunda við hreinsun á íslenskri náttúru.
,,Mikið magn af plasti, netadræsum og öðru rusli rekur á íslenskar strandir og hafa sjálfboðaliðar Veraldarvina safnað slíku rusli um allt land í vetur. Þetta er mjög mikilvægt og brýnt verkefni. Með því að hreinsa strandlengjuna eykst einnig umhverfisvitund landsmanna. Við erum stolt af því að styðja við bakið á Veraldarvinum og þessu verkefni sem sjálfboðaliðar samtakanna sinna. Með stuðningi við þetta mikilvæga verkefni viljum við sem fyrirtæki leggja okkar af mörkum í samfélagslegri ábyrgð,“ segir Guðmundur Marteinsson, framkvæmdastjóri Bónus, en fyrirtækið er samstarfs- og styrktaraðili Veraldarvina og bakhjarl þessa verkefnis.
Í janúar stóðu Veraldarvinir ásamt Hrafni Jökulssyni rithöfundi að sýningunni „Kolgrafarvík kemur í bæinn“ sem haldin var við Reykjavíkurhöfn. Þar gátu gestir skoðað afrakstur hreinsunarinnar og einstaka náttúru Árneshrepps. Þessa dagana eru Veraldarvinir að flytja sýninguna og stefna að því að setja hana aftur upp á næstu vikum.
„Við ætlum að hreinsa allt plast úr fjörum Íslands á næstu fimm árum. Hluti af plastinu verður endurunnið og bakkar undir græðlinga steyptir úr því, við notum síðan mold úr nánasta umhverfi, tínum fræ af trjánum og ræktum græðlingana yfir veturinn í kjallara hússins okkar á Brú í Hrútafirði. Á vorin verða græðlingarnir síðan settir niður. Verkefnin verða ekki umhverfisvænni. Samhliða því að hreinsa strendurnar munum við taka drónamyndir af allri strandlengjunni og halda nákvæma skrá yfir það plast sem við hreinsum auk þess sem hægt verður að fylgjast með gangi mála á gagnvirku korti. Við munum einnig veita fólki fræðslu um sjálfbærni og hvernig á að umgangast náttúruna af virðingu.
Við vonum að sem flestir Íslendingar verði strandverðir í vor og sumar og sláist í hóp þeirra erlendu sjálfboðaliða sem koma til landsins til þess að sinna þessu verkefni. Stuðningur Bónus skiptir okkur miklu máli og það er frábært að hafa slíkan bakhjarl við verkefnið. Bónus hefur reynst okkur vel í gegnum tíðina og það er algengt að sjálfboðaliðarnir okkar fari með margnota poka frá Bónus heim eftir að dvöl þeirra lýkur hér á landi, segir Þórarinn Ívarsson framkvæmdastjóri Veraldarvina.
/Fréttatilkynning
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.