Fékk fyrstu plötu HLH í fermingargjöf / DR. GUNNI
Að þessu sinni er það Gunnar Lárus Hjálmarsson úr Reykjavíkurhreppi, betur þekktur sem Dr. Gunni, sem tekst á við Tón-lystina. Doktorinn spilar á gítar, bassa og ukulele en til helstu tónlistarafreka sinna telur hann Prumpulagið og Glaðasta hund í heimi og að hafa verið í hljómsveitunum S.H. Draumur og Unun og reyndar ýmislegt fleira.
Gunni er alinn upp í Kópavogi en hver er þá tenging hans norður? „Pabbi er frá Skagafirði, bjó í Bakkakoti í Lýtingsstaðarhreppi. Við systkinin höfum tvisvar á síðustu tveimur árum farið á æskuslóðirnar með gamla með. Ég fíla Skagafjörð í botn. Reyni að komast þangað á hverju sumri og á enn eftir að fara upp á Mælifellshnjúk í almennilegu skyggni. Þegar ég fór upp sást ekki neitt fyrir þoku,“ segir hann
Árgangur: Er enn á lífi og ennþá í stuði.
Uppáhalds tónlistartímabil? Öll eru góð, en ætli mesta gróskan og framþróunin hafi ekki verið á tímabilinu 1964-1972.
Hvaða tónlist fær þig til að sperra eyrun þessa dagana? Ég er að víkka út sjónarhornið og hef verið að hlusta á 78 snúninga plötur að undanförnu, s.s. dægurtónlist sem var á ferðinni fyrir rokk, sirka 1900-1955. Allskonar gott þar, djass, hawaii-tónlist, swing og ýmislegt. Ef lesendur vita af svona gömlum plötum, 78 snúninga, mega þeir endilega hafa samband, ef þeir vilja losna við þær.
Hvers konar tónlist var hlustað á á þínu heimili? Eiginlega engin tónlist sem ég man eftir. Eldri syskini voru eitthvað í dægurtónlist en foreldrarnir mjög lítið.
Hver var fyrsta platan/diskurinn/kasettan/niðurhalið sem þú keyptir þér? Man það ekki nákvæmlega, en örugglega eitthvað með Bítlunum, enda var Bítladella fyrsta dellan sem ég fékk. Svo fékk ég fyrstu plötu HLH-flokksins í fermingargjöf.
Hvaða græjur varstu þá með? Grundig skáp foreldra minna. Hann kom inn á heimilið 1976.
Hver var fyrsta platan sem þú óskaðir þér í jólagjöf? Never mind the bollock here's the Sex Pistols. Dagný systir gaf mér hana.
Hvaða lag getur eyðilagt fyrir þér daginn? Eitthvað væmið drasl. Það eyðileggur þó ekki fyrir mér daginn, ég skipti bara um stöð. Ég læt ekki heldur bjóða mér gargandi auglýsingar. Ég er alltaf skiptandi um stöðvar í bílnum.
Uppáhalds Júróvisjónlagið? Til hamingju Ísland og sænska lagið með Loreen.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Pönk, japanskt popp og kyrjandi inúíta. Ég kemst allavega í stuð, mér er alveg sama um hina.
Þú vaknar í rólegheitum á sunnudagsmorgni, hvað viltu helst heyra? Ljúfa Hawaii-tónlist og Hauk Morthens.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég væri alveg til í að sjá The Beach Boys á Hawaii. Lufsan kæmi að sjálfsögðu með.
Hvað músík var helst blastað í bílnum þegar þú varst kominn með bílprófið? Ég tók bílpróf þegar ég var 38 ára svo það hefur nú bara verið Rás 2 og X-ið.
Hvaða tónlistarmaður hefur þig dreymt um að vera? Einu sinni langaði mig að vera Nick Cave en nú langar mig ekki til að vera neinn annar.
Hver er að þínu mati besta plata sem gefin hefur verið út? Viltu nammi væna með Fræbbblunum skipti mig mestu máli enda komu Fræbbblarnir mér á sporið. Ég sá að það var ekkert svo mikið mál að vera í hljómsveit og semja lög.
Sex vinsælustu lögin á Playlistanum þínum?
Let it happen - Tame Impala
Tinder on the toilet - Páll Ivan frá Eiðum
100.000 - Úlfur úlfur
Body language - Pink Street Boys
Hellirinn bíður - Dj. Flugvél og geimskip
Back and Back Again - Soffía Björg
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.