Ámundakinn opnar nýtt hús á Blönduósi
Laugardaginn 6. október, var nýtt þjónustuhús fyrir mjólkursöfnun í Húnavatns- og Skagafjarðarsýslum tekið formlega í notkun að Hnjúkabyggð 34. Jón Gíslason flutti tölu fyrir hönd stjórnar Ámundakinnar og fór yfir starfsemi Ámundakinnar en hlutverk og markmið Ámundakinnar er m.a. að byggja og leigja út atvinnuhúsnæði til atvinnustarfsemi á svæðinu. Ámundakinn á húsnæði á Skagaströnd, Blönduósi, Hvammstanga og Sauðárkróki.
Næst tók Jóhannes Torfason framkvæmdastjóri Ámundakinnar við og fór yfir ferlið frá upphafi. Um miðjan febrúar 2017 undirrituðu Ámundakinn, Auðhumla, KS og MS viljayfirlýsingu um byggingu á nýju þjónustuhúsi og leigu til langs tíma. Markmið byggingarinnar var að bæta vinnuaðstöðu bílstjóra og aðstöðuna fyrir bílanna sjálfa. Fullyrða má að þessi ákvörðun er hluti af þeirri samfélagsstefnu sem er og á að vera mikilvægur þáttur í starfi þessara aðila.
Stjórnendur Ámundakinnar hófust þegar handa um hönnun og að tryggja peninga til framkvæmda. Samið var við Verkfræðistofuna Stoð á Sauðárkróki um hönnun að undanskyldu rafmagni og loftræsingu, einnig um eftirlit. Magnús Ingvarsson er aðalhönnuður. Þá var samið við Faxatorg á Sauðárkróki um byggingastjórn. Að undangengnu útboði var samið við Landsbankann á Sauðárkróki um 100% fjármögnun á öllum framkvæmdum
Húsið er 561 fermetri að grunnfleti, með rúmlega 5 metra lofthæð. Í húsinu má finna tvö rúmgóð búningsherbergi með baði, kaffistofa og skrifstofa og tvö hvíldarherbergi með baði. Framkvæmdakostnaður var um 190 mkr.
Nokkrar tafir urðu á afhendingu lóðar m.a. vegna þess að lóð sem fyrst var úthlutað hentaði ekki og einnig vegna óska Ámundakinnar um staðsetningu hússins á lóðinni. Fyrsta skóflustungan var tekin 23. júní 2017.
Samið var við Trésmiðjuna Stíganda sem aðalverktaka og hefur Guðmundur Sigurjónsson verið byggingameistari. Það eru um og yfir eitthundrað manns sem hafa komið að þessari framkvæmd með einhverjum hætti
Öllu þessu fólki var þakkað fyrir góð samskipti og gott handverk og var ánægjulegt að heyra umsagnir utanaðkomandi aðila, sem bera lof á frágang allan. Fram kom í máli Jóhannesar að stundum hafi verið næðingur og kuldi í vetur meðan húsið var að rísa.
Að lokum þakkaði Jóhannes fyrir að engin alvarleg slys urðu á fólki á byggingartímanum, því mörg verk sem þar voru unnin voru ekki hættulaus.
Magnús Guðmundsson og Ari Edwald tóku svo við lyklunum frá Jóhannesi. Ari fór yfir að viss hagræðing væri falin í þessu og að mjólkurflutningar KS væru felldir undir MS.
Að lokum var samsöngur um Bjössa á mjólkurbílnum, staðfærð að bílstjórum MS og boðið var upp á veitingar.
Tónlistaratriði voru í höndum Skarphéðins H. Einarssonar og Benedikts Blöndal Lárussonar.
Myndir og texti/Lee Ann
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.