Byggðagleraugun 2026 afhent á ársþingi SSNV
Ársþing Samtaka sveitarfélaga á Norðurlandi vestra var haldið á Hótel Laugarbakka nú á miðvikudaginn. Þar fór meðal annars fram afhending Byggðagleraugnanna 2026 en handhafar þeirra eru tvö fyrirtæki á Norðurlandi vestra, Borealis Data Center á Blönduósi og FISK Seafood á Sauðárkróki.
„Bæði fyrirtækin hafa sýnt, hvort með sínum hætti, hvernig atvinnulíf getur stutt við jákvæða byggðaþróun og eflt samfélög í landshlutanum,“ segir í frétt á vef SSNV.
Þar segir jafnframt í kynningu:
Borealis Data Center hlýtur viðurkenninguna fyrir framsækna og markvissa uppbyggingu á landsbyggðinni og sýna þannig að þekkingardrifin starfsemi getur vaxið og dafnað utan höfuðborgarsvæðisins. Hjá fyrirtækinu starfa nú þrettán manns og hefur starfsfólki fjölgað um fimm frá ársbyrjun 2024. Fyrirtækið hefur jafnframt áform um frekari stækkun, sem mun skapa fleiri störf og styrkja innviði á svæðinu enn frekar. Starfsemi Borealis hefur einnig jákvæð áhrif á nærsamfélagið með aukinni eftirspurn eftir þjónustu og samstarfi við fyrirtæki á svæðinu.
FISK Seafood fær Byggðagleraugun 2026 fyrir framlag sitt til inngildingar erlendra starfsmanna og fyrir að vera leiðandi afl í því að styrkja samfélagslega þátttöku og samheldni í landshlutanum. Fyrirtækið hefur meðal annars boðið starfsfólki íslenskunám á vinnutíma og þannig stutt við virkari þátttöku þess í samfélaginu. Aðgerðir sem þessar hafa víðtæk áhrif, ekki aðeins innan fyrirtækisins heldur einnig í nærsamfélaginu. Þær stuðla að auknum tengslum milli íbúa, bæta samskipti og efla samfélagslega samheldni, sem er lykilforsenda fyrir öflugri byggðaþróun.
Fleiri fréttir
-
Áttu milljón og veist ekki af því?
feykir.is Austur-Húnavatnssýsla, Vestur-Húnavatnssýsla, Mannlíf 10.04.2026 kl. 14.25Tveir vinningsmiðar í Páskaleik Íslenskrar getspár, sem keyptir voru á sölustöðum, eru ósóttir. Er eigenda þeirra leitað.Meira -
Öflugur rekstur Skagafjarðar | Einar E. Einarsson, Hrund Pétursdóttir og Hrefna Jóhannesdóttir skrifa
feykir.is Skagafjörður, Aðsendar greinar 10.04.2026 kl. 10.37Þrátt fyrir háværar raddir um vaxandi skuldir og erfiðan rekstur sýnir ársreikningur Skagafjarðar fyrir árið 2025 allt aðra mynd. Staðreyndirnar eru skýrar: Reksturinn er sterkur, skuldir hafa lækkað hlutfallslega og sveitarfélagið hefur getað ráðist í auknar framkvæmdir án þess að taka ný lán.Meira -
Farskólinn býður í bragðferðalag
feykir.is Skagafjörður, Aðsendar greinar, Mannlíf 10.04.2026 kl. 10.05Í tilefni Sæluvikunnar í Skagafirði viljum við bjóða í spennandi bragðferðalag um heiminn. Nemendur í íslensku hjá Farskólanum kynna landið sitt og bjóða upp á smakk úr eigin matarmenningu.Meira -
Séð frá bryggjunni – í gamni og alvöru | Kári Gunnarsson skrifar
feykir.is Skagafjörður, Aðsendar greinar 10.04.2026 kl. 09.54Mér fannst hún góð greinin hjá honum Hjalta Þórðar hér í Feyki um daginn, eins og við var að búast frá þeim bænum. Ég velti fyrir mér hvernig stendur á því að fólk geti verið ósammála að skuld upp á 10.000.000.000 kr. sé góð staða. En það var ekki bara þetta fé sem mér var hugsað til í aðdraganda sveitarstjórnarkosninga. Mér var hugsað til sauðkindarinnar.Meira -
Hrekkjavökuuppskriftir og pastasalat | Matgæðingar Feykis
feykir.is Skagafjörður, Í matinn er þetta helst, Lokað efni 10.04.2026 kl. 09.00Matgæðingar vikunnar í tbl. 41, 2025, voru Frímann Viktor Sigurðsson og Ditte Clausen í Varmahlíð og eiga þau saman þrjú börn, tvo stráka og eina stelpu. Frímann er uppalinn á Sauðárkróki og er sonur Elvu Bjarkar Guðmundsdóttur og Sigurðar Emilssonar. Ditte Clausen er aldanskur Skagfirðingur. Frímann vinnur í Hofsstaðaseli og Ditte er ráðunautur hjá Ráðgjafarmiðstöð landbúnaðarins.Meira
