„Góð stund og skemmtileg,“ á styrktartónleikum í Blönduósskirkju
Húsfyllir var í Blönduóskirkju síðastliðinn sunnudag þegar blásið var til tónlistarveislu í tilefni þess að tíu ár eru liðin frá vígslu kirkjuorgelsins. Fjölmargir listamenn stigu á stokk og sungu og eða léku á hljóðfæri með orgelinu.
Eyþór Franzson, organisti Blönduóskirkju var aðalhvatamaðurinn að tónleikunum og sagði hann við Feyki að hann hefði hugsað sér að fá þá með sér sem standi orgelinu næst, þ.e.a.s. kirkjukórinn, 
Karlakór Bólstaðarhlíðarhrepps, sem oft hefur sungið við útfarir og þá með orgelinu og æfir þar að auki í kirkjunni, Skarphéðin Einarsson, en hann spilaði einmitt í vígsluathöfninni með orgelinu, Hugrúnu Sif Hallgrímsdóttur, organista á Skagaströnd og Nínu Hallgrímsdóttur.
Auk þeirra léku Helga Bryndís Magnúsdóttir, píanóleikari, og Eyþór Franzson fjórhent á píanó undir dynjandi söng Karlakórs Bólstaðarhrepps á laginu Brennið þið vitar.
Að sögn Skarphéðins Einarssonar var gerður góður rómur að tónleikunum og gestir, sem fylltu kirkjuskipið, skemmtu sér hið besta. „Góð stund og skemmtileg.“ Meðfylgjandi myndir tók Skarphéðinn Einarsson sem einnig birti myndbandið á Facebooksíðu sinni.
Karlakór Bólstaðarhrepps söng Brennið þið vitar við undirleik Helgu Helga Bryndís Magnúsdóttir og Eyþór Franzson Wechner.
Posted by Skarphéðinn Einarsson on Sunnudagur, 17. nóvember 2019
Karlakór Bólstaðarhrepps söng Brennið þið vitar við undirleik Helgu Helga Bryndís Magnúsdóttir og Eyþór Franzson Wechner.
Posted by Skarphéðinn Einarsson on Sunnudagur, 17. nóvember 2019
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.