Hestar - Handverk og Hamingja
Hin árlega stóðsmölun á Laxárdal í Austur Húnavarnssýslu fer fram nk. laugardag 17. sept og réttað verður í Skrapatungurétt daginn eftir. Á morgun föstudag verður forskot tekið á sæluna og riðið frá Húnaveri upp Þverárdal og í Gautsdal.
Viðburðir helgarinnar sem kallast Hestar - handverk og hamingja verða haldnir víða. Kl: 15:00-20:00 verður handverksmarkaður í Félagsheimilinu á Blönduósi þar sem frítt er inn og um kvöldið verður boðið upp á kjúklingasúpu og Laxárdalssúpu (fiskisúpa). Lifandi tónlist og opin bar verður til klukkan 00:30.
Á laugardeginum verður lagt upp frá Strjúgsstöðum í Langadal klukkan 11 og frá Gautsdal klukkan 10:30. Hóparnir munu svo sameinast og fylkja liði í Kirkjuskarð þar sem gleðin ræður ríkjum. Þar er drukkið, sungið og borðað og kjötsúpa og fleira á boðstólum.
Aðstaða er til að geyma hesta frá föstudegi yfir á laugardag á Strjúgsstöðum, við sandnámu (norðan afleggjara). Þátttakendur eru beðnir að virða að ekki er leyfilegt að reka laus reiðhross í stóðsmöluninni. Einnig er aðstaða til að geyma hesta í Gautsdal, en þá þarf að hafa samband við Jón Ragnar í síma 864-9133. Fjallakóngur verður Skarphéðinn Einarsson.
Að kvöldi laugardagsins verður stóðréttarball með Trukkunum í Félagsheimilinu á Blönduósi og stóðréttir í Skrapatungurétt hefjast svo stundvíslega klukkan 11 daginn eftir.
Hægt er að fylgjast með á Fésbókarsíðu hátíðarinnar: Hestar - Handverk og Hamingja.
Fleiri fréttir
-
Ungir Húnvetningar æfðu með fagmönnum í körfuboltafaginu
feykir.is Austur-Húnavatnssýsla, Íþróttir, Lokað efni 23.09.2025 kl. 15.59Um helgina var spilaður körfubolti á Skagaströnd en þar mættust karlalið Fjölnis, Snæfells og Þórs Akureyri, spiluðu innbyrðist og brýndu vopn og samspil fyrir komandi átök í 1. deildinni í vetur. Þá buðu leikmenn Snæfells og Fjölnis ungum Húnvetningum upp á ókeypis námskeið í þessari skemmtilegu íþrótt sem körfuboltinn er.Meira -
Opinn kynningarfundur vegna Landsmóts hestamanna
feykir.is Skagafjörður, Hestar, Mannlíf 23.09.2025 kl. 15.41Það styttist í Landsmót hestamanna á Hólum 2026 og af því tilefni fer fram opinn kynningarfundur fer fram í Tjarnarbæ á morgun, miðvikudaginn 24. september 2025 kl 18:00. Boðið verður upp á súpu og áætlað er að fundurinn taki rúma klukkustund.Meira -
Hjólhýsabrakið væntanlega fjarlægt af Holtavörðuheiðinni í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.09.2025 kl. 11.57Sennilega hafa flestir þeir sem átt hafa leið yfir Holtavörðuheiði síðustu vikurnar furðað sig og jafnvel hneikslast á draslinu sem liggur við vegkantinn. Um miðjan ágúst gerði talsvert hvassviðri og splundruðust þá tvö hjólhýsi á sama kaflanum ofarlega í norðanverðri heiðinni samkvæmt upplýsingum Feykis. Brakið hefur ekki verið fjarlægt en í frétt á mbl.is í gærkvöldi var sagt frá því að Vegagerðin hyggst láta hendur standa fram úr ermum og ganga í málið í dag.Meira -
Söfnun fyrir Píeta gekk mjög vel
feykir.is Skagafjörður, Íþróttir, Lokað efni 23.09.2025 kl. 09.50Tindastóll lék á laugardag tvo æfingaleiki í Síkinu á Sauðárkróki gegn Ármanni. Allt er þetta partur af því að undirbúa sig fyrir komandi tímabil í Bónus deildum karla og kvenna sem hefjast í kringum næstu mánaðarmót.Meira -
Húsbrot og eldsvoði til rannsóknar á Sauðárkróki
feykir.is Skagafjörður 23.09.2025 kl. 09.10Lögreglan á Norðurlandi vestra hefur handtekið mann sem grunaður er um að hafa farið inn í hús og bifreiðar á Sauðárkróki og valdið eldsvoða í hjólhýsi, sem stóð fyrir utan íbúðarhús.Meira
