Hver verður sýslumaður Íslands?
Sjö sóttu um nýtt embætti sýslumanns Íslands sem verður stofnað í byrjun árs 2027. Meðal umsækjenda eru tveir sýslumenn og fyrrverandi lögreglustjóri en þetta kemur fram í frétt á vef Stjórnarráðsins. Embættið var auglýst laust til umsóknar 27. mars og var umsóknarfrestur til 14. apríl en var síðan framlengdur til 21. apríl.
Fram kemur að dómsmálaráðherra skipar í embættið til fimm ára þegar nefnd sem metur hæfni umsækjenda hefur lokið störfum. Hæfnisnefnd verður skipuð á næstunni. Öllum umsóknum verður svarað þegar ákvörðun um skipun liggur fyrir. Eftirfarandi sóttu um starfið:
- Einar Jónsson, sviðsstjóri fullnustu- og skiptasviðs og staðgengill sýslumannsins á höfuðborgarsvæðinu.
- Jóhann Gunnar Þórarinsson, sviðsstjóri leyfisveitinga og eftirlits með gististöðum hjá sýslumanninum á höfuðborgarsvæðinu.
- Kristín Þórðardóttir, sýslumaður á Suðurlandi og settur sýslumaður í Vestmannaeyjum.
- Sigríður Kristinsdóttir, sýslumaðurinn á höfuðborgarsvæðinu.
- Skúli Hakim Thoroddsen Mechiat, löglærður fulltrúi hjá sýslumanninum á Vestfjörðum.
- Úlfar Lúðvíksson, fyrrverandi lögreglustjóri á Suðurnesjum.
- Veturliði Þór Stefánsson, skrifstofustjóri skrifstofu þjónustu í utanríkisráðuneytinu.
Stofnun nýs sýslumannsembættis er stór breyting í íslenskri stjórnsýslu og er nýjum sýslumanni ætlað að leiða undirbúning og innleiðingu sameiningarinnar í nánu samstarfi við ráðuneytið.
Hvað verður um sýslumennina?
Eins og flestir meiriháttar fjölmiðlar í nútímanum þá ákvað Feykir að spyrja tölvuna (gervigreindina?) eftirfarandi spurningar: Nú þegar stefnt er að því að leggja niður störf sýslumanns, reyndar halda eftir einum, hvað verður um störf þeirra sýslumanna sem fyrir eru? Það stóð að sjálfsögðu ekki á svari og vonandi er það sannleikanum samkvæmt.
Samkvæmt samþykktu frumvarpi um sameiningu sýslumannsembætta, sem tekur gildi 1. janúar 2027, verða níu núverandi sýslumannsembætti sameinuð í eitt nýtt embætti. Hér eru helstu punktar um það hvað verður um sýslumenn og starfsfólk:
- Sýslumenn og embætti:Sýslumönnum verður fækkað úr níu í einn, en gert er ráð fyrir að 27 starfsstöðvar um land allt haldi áfram starfsemi sinni.
- Staða núverandi sýslumanna:Nýtt embætti sýslumanns Íslands er laust til umsóknar. Ekki er sjálfkrafa gert ráð fyrir að núverandi sýslumenn fái stöðu í hinu nýja skipuriti en þeir geta sótt um nýja stöðu eða þeim gæti verið boðin önnur störf innan ríkisins.
- Starfsfólk flyst yfir:Starfsfólk núverandi embætta flyst yfir til hins nýja sameinaða embættis.
- Breytingar á störfum:Starfsfólk kann að þurfa að hlíta breytingum á starfi vegna nýs skipurits, en markmiðið er að 65% starfa verði áfram á landsbyggðinni.
Fleiri fréttir
-
Yfir milljón á dag – við getum gert betur | Jódís Helga og Elfa Björk skrifa
feykir.is Skagafjörður, Sveitarstjórnarkosningar 27.04.2026 kl. 11.05Fjárhagur sveitarfélags er ekki bara samansafn talna í ársreikningi. Hann er eign íbúanna og þannig grunnurinn að allri þjónustu sveitarfélagsins, allt frá leikskólum og grunnskólum til innviðauppbyggingar og velferðarþjónustu. Sveitarfélagið innheimtir útsvar, fasteignaskatt og ýmis önnur gjöld, og ráðstafar þeim fjármunum svo til verkefna í sveitarfélaginu. Við þurfum að tryggja að umræða um fjármál sveitarfélagsins sé gagnsæ og byggð á staðreyndum. Íbúarnir eiga rétt á því að vita hvernig fjármunir eru nýttir og hvernig þeim er forgangsraðað. Undanfarið hefur umræðan um fjármál sveitarfélagsins verið nokkuð hávær. Í slíkri umræðu skiptir máli að rétt sé farið með staðreyndir. Ársreikningur ársins 2025 var samþykktur á fundi sveitastjórnar 22. apríl síðastliðinn og því hægt að byggja á þeim gögnum.Meira -
Tindastólskonur höfðu sigur í Mjólkurbikarnum
feykir.is Skagafjörður, Íþróttir, Lokað efni 27.04.2026 kl. 10.00Stúlkurnar úr ÍR. mættu á Sauðárkróksvöll á sunnudaginn til að spila við Tindastól í Mjólkurbikarnum. Eins og við vitum er talsverð breyting á leikmannahóp Tindastóls. Margar uppaldar stelpur að fá tækifæri sem er auðvitað mjög jákvætt. Bryndís Rut er svolítið farin að virka eins og amma í þessu liði, með jákvæðum formerkjum auðvitað.Meira -
Ómálefnaleg veiðiráðgjöf á hvölum | Sigurjón Þórðarson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.04.2026 kl. 17.59Nýlega birtist veiðiráðgjöf Hafró á hrefnu og langreyð en það var búið að dragast að gefa hana út sem er illskiljanlegt þar sem hún byggir á gögnum frá árinu 2024. Í stuttu máli þá felur veiðiráðgjöfin fyrir árið 2026 það í sér að ráðlegt er að draga verulega úr veiðum á bæði hrefnu og langreyð.Meira -
Metfjöldi þátttakenda í gæðingakeppni LM2026
feykir.is Skagafjörður, Íþróttir, Lokað efni 26.04.2026 kl. 17.57Landssamband hestamannafélaga hefur tekið út félagafjölda hvers hestamannafélags og koma niðurstöður fram í töflunni hér fyrir neðan, og þá jafnframt hversu marga keppendur hvert félag hefur rétt á að senda í hvern flokk gæðingakeppninnar á landsmótinu að Hólum í sumar.Meira
