Lestrarátak í unglingadeild Blönduskóla
Allir í unglingadeild Blönduskóla, 38 krakkar, tóku þátt í lestrarátaki Blönduskóla og alls voru lesnar 19.587 bls. Það var keppni á milli bekkja hvaða bekkur læsi flestar blaðsíður að meðaltali. 10. bekkur vann þetta árið en meðtal þeirra var 694 bls. á hvern nemanda.
Vefsíðan Óvitinn í Blönduskóla segir þannig frá: Átakið byrjaði svoleiðis að Berglind kennari lestrarprófaði alla en svo þegar því lauk gerði hún það aftur til að sjá árangur hvers og eins. Á meðan átakið var þá fengu nemendur að jafnaði um 15 mínútur á dag í skólanum til að lesa.
Árangur nemenda var rosalega flottur en þeir sem bættu sig mest í 8. bekk voru þau Sófus um 33,7%, Arinbjörn um 26,7%, Hrafnhildur um 23,9% og Hrafn Már um 22,9%.
Í 9. bekk bættu sig mest þau Steinunn um 16%, Atli um 13,9% og Birta um 8%.
Í 10. bekk bættu sig mest þau Sunna Sól um 27,4%, Fróði um 18% og Elínborg um14,6%
Þá reiknaði Berglind líka út hverjir lásu mest í hverjum bekk og það voru þær Bergþóra í 10. bekk sem las 1766 bls., Hrafnhildur Una í 9. bekk sem las 1522 bls. og Guðrún Dóra í 8. bekk sem las 1584 bls.
Þetta er glæsilegur árangur og allir ofantaldir og bekkurinn sem last mest fengu glæsileg verðlaun!
/Elínborg Telma 10. bekk.
Fleiri fréttir
-
Óvæntur ratleikur í Njarðvík fékk fallegan endi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.03.2026 kl. 12.00Árni Heiðar Grímsson er Eyfirðingur með búsetu í Grafarvoginum í Reykjavík en hann er upphaflega frá Stóra Dal í Eyjafirði. Hann starfar sem tæknimaður hjá Advania. „Yfirtæknimaður jafnvel,“ bætir hann við. Árni Heiðar segir frá liðinu sínu í Enska boltanum að þessu sinni en byrjar á að gera grein fyrir sjálfum sér af eyfirsku lítillæti.Meira -
Mini taco veisla og auðveldur eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 01.03.2026 kl. 09.17Það voru Brynja og Hannes sem skoruðu á matgæðinga í tbl. 38, 2025, en það voru þau Matthildur Kemp og Bjarni Páll, þau þakka þeim kærlega fyrir. Matthildur og Bjarni eru bæði frá Sauðárkróki og búin að vera kærustupar síðan í grunnskóla. Þau fluttu saman til Reykjavíkur til að stunda nám, Matthildur er að læra tannlæknisfræði í HÍ og Bjarni er í mastersnámi í byggingarverkfræði í DTU í Danmörku, þau útskrifast bæði næsta sumar!Meira -
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira
