Ljón Norðursins fær loks rekstrarleyfi
Í síðustu viku vakti auglýsing frá veitingastaðnum Ljóni Norðursins á Blönduósi athygli þar sem sagði að leyfi hafi verið gefið út fyrir Ljón norðursins án athugasemda, og tók eitt ár. Opið eins og áður. Þegar eigandi staðarins, Jónas Skaftason, var spurður út í málið sagði hann að reynt hafi verið að bregða fyrir hann fæti af Blönduósbæ.
Jónas segir að það hafi tekið hann eitt ár að fá rekstrarleyfið endurnýjað fyrir staðinn. -Þannig var að staðurinn hafði verið í rekstri í tvö ár þegar leyfið rann út og ég áttaði mig ekki á því fyrr en ég fæ bréf frá sýslumanni um að svo sé. Ég taldi víst að það yrði auðvelt að endurnýja það þar sem forsendur hefðu ekki breyst, en nei takk! Þá fer af stað mikil herferð gegn mér sem staðið hefur yfir í heilt ár, segir Jónas gramur en hann hefur í heilt ár staðið í stríði við yfirvöld við að bera af sér sakir og kostað hann mikla fjármuni. –Þeir voru ekki með neitt á mig og það tók heilt ár að vinda ofan af því og ég var blásaklaus.
Þegar leitað var til Arnars Þórs Sævarssonar bæjarstjóra á Blönduósi sagði hann að málið snerist um leyfismál sem sýslumaðurinn á Blönduósi gefur út. -Að mati sýslumannsins var honum ekki stætt á að gefa út leyfi þar sem gerðar voru athugasemdir við brunaöryggismál hússins. Eigandi Ljóns norðursins hefur ekki viljað sætta sig við kröfur sem kveðið er á um í byggingarreglugerð. Nú hefur eigandinn loksins gengist undir þessar kröfur og sýslumaðurinn því gefið út leyfið, segir Arnar Þór.
Jónas segir það ósannindi að hann hafi ekki sætt sig við kröfu byggingarreglugerðar vegna Ljóns Norðursins. -Það eru ósannindi að ég hafi loksins sætt mig við þetta og hef þegar mótmælt því og krafist fullnaðarleyfis án athugasemda.
Í Feyki sem kemur út í dag er viðtal við Jónas þar sem hann segir frá fyrirtækinu sem hann rekur en auk kaffihússins er hann með gistihús, þrjú smáhýsi sem eru staðsett við húsið.
Fleiri fréttir
-
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira -
Fiskikökur og heimagerð pizza a la Siggi | Matgæðingar Feykis
feykir.is Skagafjörður, Í matinn er þetta helst, Lokað efni 28.02.2026 kl. 09.11Matgæðingarnir í tbl. 37, 2025, voru þau Helga Rós Sigfúsdóttir og Sigurður Óli Ólafsson. Helga og Siggi búa í Varmahlíð með börnunum sínum þremur, Kolbrá Sigrúnu, Mikael Mána og Hrafnhildi Hörpu. Siggi er byggingatæknifræðingur og vinnur hjá Stoð ehf. og Helga Rós er grunnskólakennari og vinnur í Varmahlíðarskóla.Meira
