Samningurinn í hættu vegna verkfalls
Í fréttatilkynningu kemur fram að fjögur hundruð milljóna króna samningur SAH Afurða á Blönduósi, um sölu á 160 tonnum af lambakjöti og 70 þúsund gærum til fyrirtækis í Hong Kong, sé í hættu vegna verkfalls dýralækna. Fyrstu gámarnir eiga að fara úr landi eftir viku, en ef verkfallið dregst á langinn og tafir á afhendingu verði miklar óttast Gunnar Tr. Halldórsson, framkvæmdastjóri SAH Afurða, að samningnum verði rift.
Gámar með gærunum eru bókaðir í skip 26. maí næstkomandi og sú sending þarf vottun dýralækna Matvælastofnunar, og því fer hún ekki af stað ef þeir verða ennþá í verkfalli. Þetta kom fram í fréttum Ríkisútvarpsins í gær. Gunnar segir í samtali við Ríkisútvarpið að það sé alltaf hættulegt að geta ekki staðið við fyrstu sendingu í nýjum viðskiptum. Það geti haft mikil áhrif á áframhaldandi viðskipti. Í samningnum eru ákvæði um að félagið verði að greiða kaupandanum sektir ef afhending dregst meira en viku fram yfir umsamdar dagsetningar. "Það má eiginlega segja að það verði strax fjárhagslegt tjón ef ekki næst að fá gáma vottaða í næstu viku." sagði Gunnar.
Í samtali við Ríkisútvarp sagðist Gunnar einnig óttast að samningnum verði hreinlega rift ef að miklar tafir verði á afhendingu. SAH Afurðir eru litlir viðskiptavinir í þessum stóra heimi og ekki víst að fyrirtækið í Hong Kong vilji eiga við þá ef þeir geta ekki staðið við gerða samninga
Fleiri fréttir
-
Flösku- og dósasöfnun frestað til fimmtudagsins 26. feb.
feykir.is Skagafjörður 24.02.2026 kl. 14.40Flösku- og dósasöfnun sem átti að fara fram á morgun, miðvikudaginn 25. febrúar, hefur verið frestað til fimmudagsins 26. febrúar og munu iðkendur Körfuknattleiksdeildar Tindastóls ganga í hús á Króknum milli kl. 17-19. Ef þið eruð vant við látin, en viljið gefa nokkrar dósir og/eða flöskur, þá er ykkur velkomið að setja poka fyrir utan hurðina hjá ykkur merkta Tindastól og við kippum þeim með okkur.Meira -
Á sama tíma að ári á svið í Bifröst
feykir.is Skagafjörður, Lokað efni 24.02.2026 kl. 14.25Það er löngu orðin hefð fyrir því að Leikfélagið á Sauðárkróki frumsýni leikrit í Sæluviku. Venjulega er eitt verk sýnt að vori, ætlað fullorðnum áhorfendum og haustverk félagsins yfirleitt fyrir yngri kynslóðina. Leikfélag Sauðárkróks er eitt elsta áhugamannaleikfélag á landinu en það var stofnað 13. apríl 1888.Meira -
Sundlaugin í Varmahlíð lokuð
feykir.is Skagafjörður 24.02.2026 kl. 13.24Sundlaugin í Varmahlíð er lokuð vegna kaldavatnsleysis.Meira -
Það kólnar og spáð er éljagangi í dag og á morgun
feykir.is Skagafjörður, Austur-Húnavatnssýsla, Vestur-Húnavatnssýsla 24.02.2026 kl. 08.44Það skall á með nettri sunnanátt í gær og hitnaði duglega. Það varð að sjálfsögðu til þess að snjórinn sem hafði lagst svo bjartur og fallegur á jörðina bráðnaði. Þegar Króksarar héldu út í myrkrið í morgun var snjórinn að mestu horfinn og stöku svellbunkar það sem minnti á veturinn. Það eru þó allar líkur á að snjórinn komi fljótt aftur því í dag og fram á föstudag má reikna með éljagangi og snjókomu af og til og frostið fer að bíta á ný.Meira -
Skorað á ráðherra að bretta upp ermarnar við uppbyggingu verknámshúsa
feykir.is Skagafjörður, Lokað efni 23.02.2026 kl. 15.32Byggðarráð Skagafjarðar samþykkti á fundi sínum 19. febrúar sl. samhljóða áskorun til Ingu Sæland, mennta- og barnamálaráðherra, um að fylgja eftir áformum forvera síns, Guðmundur Ingi Kristinssonar, um að hefja framkvæmdir við fjóra verknámsskóla. „Óútskýrðar tafir við útboðsgögn hjá Framkvæmdasýslunni - Ríkiseignum og skortur á staðfestingu á fjármögnun framkvæmda frá mennta- og barnamálaráðuneytinu, valda því að útlit er fyrir að framkvæmdir við stækkun verknámshúss Fjölbrautaskóla Norðurlands vestra hefjist ekki á árinu 2026.“ segir í áskoruninni.Meira
