Sigríður Bjarney ráðin skólastjóri
Húni segir frá því að Hreppsnefnd Húnavatnshrepps hefur samþykkt að ráða Sigríði Bjarneyju Aadnegard, aðstoðarskólastjóra Blönduskóla, í stöðu skólastjóra við sameinaða skólastofnun á Húnavöllum frá og með næsta skólaári. Ráðningin er í samræmi við tillögu fræðslunefndar.
Ráðning skólastjóra við sameinaða skólastofnun Húnavatnshrepps var á dagskrá fundar hreppsnefndar Húnavatnshrepps þann 9. maí síðastliðinn. Þar lagði oddviti fram tillögu þess efndis að hreppsnefnd færi að tillögu fræðslunefndar um að Sigríður yrði ráðin í stöðuna. Tillagan var samþykkt samhljóma.
Fulltrúar A-lista lögðu fram bókun á fundinum þar sem fram kemur að þeir samþykkja niðurstöðu fræðslunefndar en gera alvarlegar athugasemdir við hvernig staðið hafi verið að undirbúningi við breytingar á yfirstjórn leik- og grunnskóla Húnavatnshrepps. „Meirihluti hreppsnefndar ber ábyrgð á þeim undirbúningi og hefur þar skort á vilja til samstarfs við foreldra á öllum undirbúningstímanum. Mikilvægt er að góð sátt sé í samfélaginu þegar slíkar ákvarðanir eru teknar“, segir í bókun fulltrúa A-lista.
Fulltrúar E-lista létu færa til bókar að þeir telji að ekki hafi verið staðið óeðlilega að undirbúning við breytingar á yfirstjórn leik- og grunnskóla á Húnavöllum, þó að eflaust hafi verið unnt að vinna málið á annan hátt. Þeir benda á að fulltrúi A-listans í fræðslunefnd hafi tekið fullan þátt í öllu undirbúningsferlinu
Fleiri fréttir
-
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira -
Fiskikökur og heimagerð pizza a la Siggi | Matgæðingar Feykis
feykir.is Skagafjörður, Í matinn er þetta helst, Lokað efni 28.02.2026 kl. 09.11Matgæðingarnir í tbl. 37, 2025, voru þau Helga Rós Sigfúsdóttir og Sigurður Óli Ólafsson. Helga og Siggi búa í Varmahlíð með börnunum sínum þremur, Kolbrá Sigrúnu, Mikael Mána og Hrafnhildi Hörpu. Siggi er byggingatæknifræðingur og vinnur hjá Stoð ehf. og Helga Rós er grunnskólakennari og vinnur í Varmahlíðarskóla.Meira
