Telur rétt að taka við húsunum
Oddviti Sveitarfélagsins Skagastrandar, Halldór G. Ólafsson, telur rétt að taka við nokkrum eignum FISK Seafood á Skagaströnd þótt þær séu ekki í sem bestu ásigkomulagi og gera úr þeim tækifæri. Friðbjörn Ásbjörnsson, framkvæmdastjóri FISK, sagði frá fyrirhuguðum fjárfestingum og breytingum á húsakosti í opnu bréfi til samstarfsfólks á fyrstu dögum nýs árs, meðal annars þess að framundan væri að afhenda Skagastrendingum án endurgjalds stjórnsýsluhús og hús sem áður hýstu rækjuverksmiðju og síldarverksmiðju.
Í Morgunblaðinu í dag er rætt við Halldór sem segir að afhending eignanna hafi ekki verið tekin fyrir í sveitarstjórn. Lítið viðhald hefur verið á húsunum og kostar umtalsverða fjármuni að taka þau í gegn. Eins og málið sé kynnt verði þau afhent án endurgjalds og telur hann rétt að taka við þeim og vinna að viðhaldi í áföngum, frekar en láta þau grotna áfram niður. Jafnframt megi skapa ný tækifæri í atvinnurekstri á Skagaströnd.
Meðal umræddra eigna er svokallað stjórnsýsluhús sem er skrifstofuhúsnæði sem var í eigu Skagstrendings áður en FISK tók reksturinn yfir. Hluti af neðstu hæðinni er í eigu sveitarfélagsins sem er með skrifstofur sínar þar auk þess sem greiðslustofa Vinnumálastofnunar hefur hluta hæðarinnar á leigu. FISK á tvær efri hæðirnar, miðhæðin stendur auð en greiðslustofa Vinnumálastofnunar er á efstu hæðinni. Halldór segir að starfsemi Vinnumálastofnunar sé mikilvæga og laga þurfi húsnæðið svo aðstæður stofnunarinnar verði ásættanlegar. Gerðar hafi verið tillögur að breytingum og segir Halldór mikilvægt að ráðast í þær og telur rétt að setja þær í forgang.
Annað umræddra húsa er 1.600 m2 hús sem áður hýsti rækjuvinnslu og fiskvinnslu og er notað sem geymsla og hýsir ákveðna starfsemi sem tengist Kaupfélagi Skagfirðinga. Halldór segir nauðsynlegt að laga ytra byrði hússins til að koma í veg fyrir frekari skemmdir. Vonast hann til að hægt verði að koma þar upp einhverri starfsemi.
Þriðja húsið er gömul síldarverksmiðja á hafnarsvæðinu sem breytt hefur verið í frystigeymslur. Halldór sér fyrir sér að hugsanlega mætti leigja það út eða selja.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.