Umsóknir og styrkveitingar Uppbyggingarsjóðs Norðurlands vestra með tilliti til kynferðis
Nýlega birtist á vef SSNV athyglisverð samantekt yfir umsóknir og styrkveitingar Uppbyggingarsjóðs Norðurlands vestra til atvinnuþróunar og nýsköpunar og menningar þar sem sérstaklega var litið til þess hvort sjá mætti einhvern mun á kynjunum varðandi þessa þætti.
Uppbyggingarsjóður Norðurlands vestra var stofnaður árið 2015 og hefur því verið úthlutað fimm sinnum úr sjóðnum. Á þeim tíma hafa alls borist 575 umsóknir þar sem em óskað hefur verið eftir 930 milljónum í styrki.
Konur eru í forsvari fyrir nokkurn meirihluta þessara verkefna eða 59% umsókna en karlmenn 41%. Afur á móti er athyglisvert að konur sækja almennt um lægri styrkupphæðir en karlar eða um 1.425.000 kr. að meðaltali en karlar um 1.885.000 kr. að meðaltali.
Á þessum fimm árum hefur verið úthlutað alls 320 milljónum kr. í styrki. Þar eru konur 57% styrkhafa en karlar 43% þannig að það eru örlítið færri konur sem fá styrki en þær sem sækja um þó munurinn sé ekki mikill. Upphæðin sem úthlutað hefur verið til kvenna er að meðaltali 780.000 kr. en 850.000 kr. til karla en þær fá hlutfallslega heldur hærri styrki miðað við umsóknarupphæð en karlarnir.
Á vef SSNV segir um niðurstöður þessar: „Hvort og þá hvernig ber að túlka þessar niðurstöður er svo annað mál. Konur eru greinilega duglegri að sækja um styrki til Uppbyggingarsjóðs og gildir það bæði um atvinnuþróunar- og nýsköpunarstyrki og menningarstyrki. Er einhver skýring á því? Eins má spyrja hvort konur séu varfærnari eða raunsærri þegar kemur að upphæðum eða eru þeirra verkefni almennt smærri í sniðum? Eða reikna þær sér kannski lægra tímakaup en karlmenn í verkefnunum? Eru einhverjar aðrar ástæður?
Þessum spurningum verður ekki svarað hér enda hefur þetta ekki verið rannsakað. Í fagráðum og úthlutunarnefnd Uppbyggingarsjóðs eru bæði konur og karlar og þar er eingöngu litið á verkefnin sjálf, ekki hvort kona eða karl er þar í forsvari. Það verður því að leita annarra skýringa?“
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.