Vilkó fær viðbótarhúsnæði
Á fréttavef Húna segir frá því að föstudaginn 24. júlí síðastliðinn hafi Vilkó formlega fengið afhenta nýbyggingu fyrir starfsmenn Vilkó. Var það Jóhannes Torfason framkvæmdastjóri Ámundakinnar sem afhenti Kára Kárasyni lyklavöldin. Viðstaddir athöfnina voru starfsmenn Vilkó og Ámundakinnar ásamt verktökum er að verkinu komu.
Um ræðir 160 m2 húsnæði sem hugsað er sem vörumóttaka og lager, annars vegar fyrir hráefni sem nýtt er til framleiðslunnar og hins vegar fyrir fullunnar vörur. Allt að 80 vörubretti komast fyrir í rýminu. Í nýbyggingunni er einnig lyfta til að þjónusta efri hæð hússins sem og kjallara aðalbyggingarinnar en í því fellst mikil vinnuhagræðing fyrir starfsfólk Vilkó. Í fréttinni segir: „Við athöfnina sagði Jóhannes að þetta verkefni hefði verið sér kært þar sem húsnæðið, þekkt sem Mjólkurstöðin, hefði öðlast nýtt líf eftir að hafa staðið ónotað í nær áratug. Starfsfólk Vilkó er nú orðið fleira en var á þeim tíma er mjólkurvinnsla fór þar fram. Jóhannes rifjaði upp að mjólkurvinnsla hófst í húsinu árið 1948 og stóð samfellt í um 60 ár. Þegar henni var hætt gaf Auðhumla, þáverandi eigandi hússins, það fyrirheit að styðja við nýja atvinnustarfsemi í húsinu. Má segja að það fyrirheit hafi verið uppfyllt þegar Ámundakinn keypti húsið af Auðhumlu og Vilkó flutti sína starfsemi þangað í kjölfarið.“
Í fréttinni segir jafnframt: „Kári Kárason þakkaði í ræðu sinni Ámundakinn og nefndi kosti þess að í héraðinu væri fyrirtæki eins og Ámundakinn sem væri í raun bakhjarl til heilla fyrir heimabyggð. Nefndi Kári að nægt pláss væri enn á lóðinni því Vilkó væri ætíð í leit að nýjum vörum og leiðum til sóknar. Valdimar O. Hermannsson bæjarstjóri Blönduósbæjar flutti kveðju og árnaðaróskir frá bæjarstjórninni.“
/SHV
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.