Jón Bjarnason stendur við sitt
Jón Bjarnason var ráðinn skólameistari að Hólaskóla árið 1981. Þá var skólinn á talsverðu hnignunarskeiði og hafði skólahald legið niðri um tíma. Af sinni alkunnu atorku og með hjálp góðra manna náði Jón Bjarnason að rífa skólann upp úr þeim öldudal sem hann hafði verið í um nokkurn tíma og koma skólahaldi að Hólum og staðnum sjálfum á þann stall sem hann er á enn í dag.
Jón tók sæti á Alþingi Íslendinga árið1999, fyrst sem þingmaður Norðurlands vestra og svo eftir kjördæmabreytingu 2003 sem þingmaður Norðvesturkjördæmis. Á Alþingi hefur Jón viðhaft sömu vinnubrögð og elju og hann var kunnur fyrir af veru sinni að Hólum, staðið dyggan vörð um þau mál sem til heilla horfðu fyrir land og þjóð, sér í lagi, grunnþjónustu á landsbyggðinni og þau málefni er vörðuðu landbúnað og sjávarútveg.
Sem ráðherra sjávarútvegs- og landbúnaðarmála kom Jón Bjarnason í gegn fjölmörgum málum sem til heilla horfðu. Hann aftók að heimila innflutning á lifandi búfé sem átti að gefa eftir vegna samninga við ESB, kom á strandveiðum, opnaði kvótakerfið með umdeildu skötuselsákvæði, stóð á rétti þjóðarinnar til makrílveiða, setti bann við dragnótaveiðum í innanverðum Skagafirði sem löngu var tímabært, en aðra hafði brostið kjark til og þannig má lengi telja. Fyrir öllum þessu málum þurfti mikið að hafa og andstæðingarnir oftar þeir sem síst skyldi, samherjar og flokksfélagar.
Sennilega hefur þó ekkert eitt mál brotið viðlíka á Jóni og umsókn Alþingis um aðild að Evrópusambandinu, nokkuð sem enginn lét sér til hugar koma vorið 2009 en var barið í gegn með ofbeldi. Í því máli öllu hefur Jón staðið fast á fyrri yfirlýsingum, eigin sannfæringu, kosningaloforðum flokksins og stefnuyfirlýsingum og hvergi hvikað. Fyrir sannfæringu sína fyrir fullveldi þjóðarinnar var hann sviptur ráðherraembætti af eigin flokksfélögum sem voru flúnir frá eigin stefnu og loforðum. Ráðist var að persónu hans með nánast fordæmalausum hætti allt fram á þetta ár. Það er trúlega einsdæmi í íslenskri stjórnmálasögu að vera nánast ofsóttur fyrir að framfylgja stefnu eigin flokks.
Með réttu ætti aðildarumsóknin að vera aðalkosningamálið í komandi kosningum. Það hentar ekki flestum framboðunum því að þau vilja geta hagað seglum eftir vindi að kosningum loknum. Reynslan hefur sýnt að þeir sem vilja tryggja áframhaldandi fullveldi íslenskrar þjóðar geta treyst Jóni Bjarnasyni í þeim efnum.
Tryggjum Jóni glæsilega kosningu á laugardaginn.
Gísli Árnason framhaldsskólakennari
4. maður á lista Regnbogans í Norðvesturkjördæmi
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.