KPMG opnar fyrir umsóknir um samfélagsstyrki 2027
KPMG hefur tekið upp skýrara og markvissara fyrirkomulag við veitingu samfélagsstyrkja á landsbyggðinni. Markmiðið er að tryggja að stuðningur félagsins nýtist þar sem hann getur haft mest jákvæð áhrif og styðji við verkefni sem skapa virði fyrir samfélagið. Með nýrri styrktarstefnu er lögð aukin áhersla á samfélagsleg áhrif verkefna og hvernig þau falla að framtíðarsýn KPMG um langtímaverðmætasköpun fyrir samfélagið. Jafnframt er lögð áhersla á gagnsætt umsóknarferli, skýrari forgangsröðun og betri yfirsýn yfir þann árangur og þau áhrif sem stuðningurinn skilar.
Ár hvert verður kallað eftir umsóknum um samfélagsstyrki og verður umsóknartímabilið að jafnaði opið í október og nóvember. Með því vill KPMG skapa jafnt aðgengi að styrkjum og gefa félagasamtökum og öðrum samfélagsverkefnum í hverjum landshluta tækifæri til að sækja um stuðning.
Samfélagsstyrkirnir eru liður í því að efla stuðning KPMG við samfélagið og styðja við verkefni sem hafa jákvæð áhrif á atvinnulíf, menntun, nýsköpun, sjálfbærni og samfélagslega velferð. Jafnframt mun KPMG birta árlegt yfirlit yfir þau verkefni sem hljóta stuðning.
„Norðurland er fullt af fólki sem tekur frumkvæði, leggur hart að sér og vinnur að verkefnum sem skipta samfélagið máli. Samfélagsstyrkirnir eru ein leið fyrir okkur til að styðja við þessa öflugu starfsemi og taka þátt í uppbyggingu samfélagsins,“ segir Helgi Níelsson meðeigandi KPMG á Norðurlandi.
Umsóknarferli fyrir árið 2027 hefur nú verið opnað. Nánari upplýsingar um styrkina og umsóknarfyrirkomulag má finna á vefsíðu KPMG Stuðningur við samfélagið.
/fréttatilkynning
Fleiri fréttir
-
Fjölbreyttir leikar í Fjölbraut
feykir.is Skagafjörður, Mannlíf, Lokað efni 17.10.2026 kl. 13.35FNV leikarnir voru haldnir í annað sinn miðvikudaginn 7. október og var dagurinn fullur af fjöri, keppnisskapi og góðri stemningu. Leikarnir eru að fyrirmynd Fjölbrautaskóla Suðurnesja, þar sem sambærilegir leikar hafa verið haldnir í um 20 ár. Markmiðið er að efla samheldni meðal nemenda, skapa góða stemningu og brjóta upp hefðbundið skólastarf.Meira -
Sterkari saman | Gestaleiðari 39. tölublaðs Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.10.2026 kl. 19.33Fimmtudaginn 1. október komu sveitarstjórnarfulltrúar af öllu Norðurlandi vestra saman á Hótel Laugarbakka á haustþingi Samtaka sveitarfélaga á Norðurlandi vestra. Samtökin eiga sér langa sögu og þingin eru orðin fastur liður í starfi sveitarfélaganna. Þar setjast sveitar-félög, ólík að stærð og aðstæðum, við sama borð og leita leiða til að gera landshlutann enn betri til búsetu og starfa.Meira -
Blái hnötturinn mun svífa í Bifröst
feykir.is Skagafjörður, Listir og menning 16.10.2026 kl. 15.45Leikfélag Sauðárkróks frumsýnir Bláa hnöttinn eftir Andra Snæ Magnason, í leikstjórn Ólafs Jens Sigurðssonar, þann 16. október næstkomandi. Leikgerðin er eftir Berg Þór Ingólfsson. Hátt í 60 manns koma að sýningunni í haust og æfingar hafa staðið yfir af fullum krafti frá því í lok ágúst.Meira -
Lón & Rakel flytja jólalög í Sauðárkrókskirkju
feykir.is Skagafjörður, Listir og menning 16.10.2026 kl. 11.58Það styttist óðum í að jólasöngvarar hefji upp sínar raustir enda jólin að nálgast seilingarfjarlægð. Í Skagafirði eru nú í það minnsta þrennir jóla-popp-tónleikar planaðir en Feykir hefur áður sagt frá Jólasveiflu í Miðgarði í lok nóvember þar sem jólalögin hans Geira verða í öndvegi og Jólin Heima sem verða í Miðgarði 12. desember. Nú hafa bæst við jólatónleikar í Sauðárkrókskirkju 3. desember þar sem Lón & Rakel verða á mjúku nótunum.Meira
