Staðalímyndir ungs fólks
Ég horfði á Kastljós þátt í vikunni þar sem fjallað var um konu sem hafði lent í hjartastoppi með þeim afleiðingum að hún missti allan mátt í höndum og fótum og er því í hjólastól. Ástæðan fyrir því að þetta gerðist var að hún var haldin sjúkdómnum átröskun, hún tók vatnslosandi lyf sem var í of miklu magni og hjartað hennar bókstaflega gafst upp.
Inn á www.geðhjalp.is má sjá útskýringu á sjúkdómnum átröskun:
„Það eru aðallega ungar konur sem þjakaðar eru af átröskunum, en ekki má líta framhjá því að brenglun á líkamsímynd kemur einnig fram hjá ungum mönnum. Átraskanir hafa alvarleg áhrif á lífsgæði fólks og geta jafnframt verið lífshættulegar. Átraskanir einkennast af alvarlegri truflun á matarvenjum. Átraskanir verða ekki læknaðar með lyfjum eingöngu því þótt ytri einkenni sjúkdómsins séu greinileg, t.a.m. í þyngdartapi, eru orsakirnar taldar sálrænar. Átraskanir hafa þau andlegu áhrif að manneskjan upplifir mikinn kvíða, vanlíðan og þunglyndi, sem rætur geta átt í brenglaðri líkamsmynd. Einnig verða sjúklingar helteknir af hugsunum um mat og þyngd. Líkamlegar afleiðingar átraskana eru einnig mjög alvarlegar, t.d. eins og nýrnaskemmdir, beinþynning og hjartsláttatóregla.“
Eins og kemur fram hér að ofan þá er þetta mjög alvarlegt ástand sem einstaklingar geta sett sig í. Það eru mun fleiri einstaklingar sem eru haldnir þessum sjúkdómi en við gerum okkur grein fyrir, sjúkdómurinn er falinn og það er nauðsynlegt að vera með opin augun gagnvart honum.
Maður spyr sig eftir að hafa heyrt svona skelfilega sögu: „Af hverju gerði hún þetta?“
Í fjölmiðlum birtast ákveðnar staðalímyndir kvenna, myndir af ungum flottum konum sem eru svo grannar og með flottar línur að það er magnað. Það stendur hvergi hversu miklar aðgerðir í Photoshop eða í öðrum forritum eru gerðar og því eru breytingarnar ekki augljósar fyrir öllum. Myndirnar senda skilaboðin: „Ég á að vera mjó,“ til hinnar venjulegu ungu konu.
Ég hugsa mest til ungu kynslóðarinnar, það er mikið óöryggi á kynþroskaskeiði hjá unglingum og þau sem finna fyrir mesta óörygginu reyna að fara allar mögulegar leiðir til þess að fitta inn í hópinn og vera jafn flottir og hinir.
Þrátt fyrir að mikið sé talað um stúlkur þegar kemur að átröskun þá eru strákar ekkert síðri til þess að fá sjúkdóminn, það fer alveg jafn mikið fyrir brjóstið á þeim að sjá eldheita fótboltagæja með sixpack á einhverjum auglýsingaskiltum.
Það er vert að vera vökull og fylgjast með unglingunum sínum þegar kemur að þessum málum, og þá þurfa allir að hjálpast að.
Pössum unga fólkið?
Stefanía Gunnarsdóttir nemi í Tómstunda- og félagsmálafræði.
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.