17. júní á Blönduósi
Þjóðhátíðardagurinn verður haldinn hátíðlegur á Blönduósi 17. júní. Að venju verður boðið upp á ýmislegt til skemmtunar og afþreyingar. Hefðbundin skrúðganga verður farin frá Sölufélagi Austur-Húnvetninga að Félagsheimilinu og hefst hún klukkan 14:45.
Síðan verður hátíðardagskrá á Bæjartorgi með hugvekju, fjallkonu, tónlist og hátíðarræðu svo eitthvað sé nefnt. Að venju verða einnig leikir fyrir börn og unglinga í íþróttahúsinu og rennibrautakeppni í sundlauginni. Kynning verður á golfíþróttinni á golfvellinum í boði Golfklúbbsins Óss, auk sýnikennslu.
Sýning verður í reiðhöllinni en sýnt verður frá vetrarstarfi Hestamannafélagsins Neista og er frítt inn. Börnum verður boðið á hestbak í lok sýningar. Kaffisalan sívinsæla í Félagsheimilinu er á sínum stað og ætti enginn að þurfa að vera svangur.
Boðið verður upp á útsýnisflug frá Blönduósflugvelli frá klukkan 17 þann 16. júní og eftir þörfum þann 17. júní. Verð fyrir stutt flug er 2.000 krónur pr. sæti. Fyrir heldur lengra flug 3.000 krónur pr. sæti. Æskilegt er að þrír bóki sig saman en ekki skylda. Pantanir í síma 664 6028.
Dagskrá hátíðarhalda á Blönduósi þann 17. júní
Kl. 8:00 Fánar dregnir að hún
Kl.10:00 -11:00 Rennibrautakeppni í sundlauginni – tímataka.
Kl.10:30 -11:30 Kynning á golfíþróttinni á golfvellinum í boði Golfklúbbsins Ós, auk sýnikennslu
Kl. 12:00 Sýning í reiðhöllinni, sýnt verður frá vetrarstarfi Hestamannafélagsins Neista (frítt inn) Börnum boðið á hestbak í lok sýningar og þeir sem vilja geta spreytt sig á þrautabraut.
Kl.13:45 Andlitsmálun fyrir utan SAH, helíum blöðrur og sælgæti verður til sölu.
Kl.14:45 Skrúðganga frá SAH að félagsheimilinu Hátíðardagskrá; Hugvekja Fjallkonan Hátíðarræða Tónlistaratriði
Kl.15:00 -15:40 Skipulagðir leikir í íþróttahúsinu
Kl.16:00 Kaffisala í félagsheimilinu. Aðgangseyrir 1000 kr. frítt fyrir 16 ára og yngri
Frítt verður í sund af tilefni 5 ára afmælis sundlaugarinnar.
Umsjón með hátíðarhöldunum hefur Hestamannafélagið Neisti.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
