3,3 milljónir í styrki til að bæta þjónustu við börn
Veittar verða 3,3 milljónir króna í styrki á þessi ári til verkefna í Húnaþingi sem hafa það að markmiði að efla og bæta nærþjónustu við langveik börn og börn með ofvirkni og athyglisbrest. Alls verða veittar 80 milljónir króna til verkefna á þessu svið til sveitarfélaga, samtaka sveitarfélaga og skólaskrifstofa um land allt og er það sama fjárhæð og í fyrra.
Þetta kemur fram á vef mennta- og menningarmálaráðuneytisins og Húni.is hefur tekið saman.
Styrkirnir eru veittir á grundvelli samstarfssamnings mennta- og menningarmálaráðuneytis, velferðarráðuneytis, og Sambands íslenskra sveitarfélaga um tilraunaverkefni til styrktar langveikum börnum og börnum með ofvirkni og athyglisbrest sem undirritaður var 4. desember 2009. Í samningnum er gert ráð fyrir að veita styrki til verkefna af þessum toga árlega í þrjú ár og hefur nú verið úthlutað í tvö skipti.
Alls bárust umsóknir um styrki til 125 verkefna frá 36 aðilum, þ.e. sveitarfélögum, samtökum sveitarfélaga og skólaskrifstofum, fyrir rúmar 319 milljónir króna en sem fyrr segir voru 80 milljónir króna til ráðstöfunar.
Verkefnisstjórn fór yfir styrkumsóknirnar og byggði við mat á þeim á skýrslum tveggja starfshópa frá árinu 2008 um þjónustuúrræði fyrir langveik börn og bætta þjónustu við börn með ofvirkni og athyglisbrest. Einnig byggði verkefnisstjórnin á áliti foreldra um forgangsröðun þjónustu samkvæmt rýnihóparannsókn sem velferðarráðuneytið stóð fyrir um svipað leyti.
Katrín Jakobsdóttir, mennta- og menningarmálaráðherra og Guðbjartur Hannesson velferðarráðherra, hafa staðfest tillögu verkefnisstjórnar um úthlutun styrkjanna.
Í lista yfir úthlutun ársins kemur eftirfarandi fram varðandi Húnavatnssýslur:
Blönduós: 1.000.000 kr.
Húnavatnssýslur: 1.300.000 kr.
Sveitarfélagið Skagaströnd: 1.000.000 kr
/Húni.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
