40% lækkun húshitunarkostnaðar
Gera má ráð fyrir að húshitunarkostnaður á Skagaströnd lækki um allt að fjörtíu prósent að meðaltali þegar hitaveita verður tekin í notkun þar í haust. Framkvæmdir standa nú sem hæst á Skagaströnd og jafnhliða er lagður ljósleiðari í öll hús á staðnum. RÚV greindi frá þessu í kvöldfréttum í gær.
Í samtali við RÚV segist Adolf Berndsen oddviti Skagastrandar, reikna með því að á einu til tveimur árum verði 99% húsa á Skagaströnd komin með hitaveitu. Talsverður kostnaður fylgir því að taka hana inn, einkum í þeim húsum þar sem rafmagnsofnar eru fyrir, en á móti koma niðurgreiðslur frá ríki og sveitarfélögum. Þá má reikna með að stofnkostnaður skili sér tiltölulega fljótt þar sem húshitunarkostnaður lækkar umtalsvert.
Eins og greint hefur verið frá á vef Feykis hófust framkvæmdir á síðasta ári, þegar stofnæð Hitaveitu Blönduóss frá Reykjum var endurnýjuð. Í framhaldi af því er nú hafin lagning nýrrar stofnæðar frá Blönduósi, sem endar í dreifikerfi innanbæjar á Skagaströnd. Áætlað er að allar þessar framkvæmdir kosti 1,2 milljarða króna. Á Skagaströnd eru hús kynt með rafmagni og horfa menn því bjartsýnir til hituveitunnar.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
