5 milljónir í hlutafélag um hótelbyggingu
Starfshópur um eflingu ferðaþjónustu á Skagaströnd leggur til að stofnað verði hlutafélag um byggingu hótels á Skagaströnd. Lagt er til að samið verði við arkitektastofu um gerð grófrar hugmyndar af 15-20 herbergja hóteli.
Sérstaklega á að skoða hvort rétt sé eða skynsamlegt að breyta eldri húsum á staðnum í hótel. Sveitarstjórn Skagastrandar hefur samþykkt að leggja 5 milljónir króna í hlutafé um hótelbygginguna.
Í júní á síðasta ári skipaði sveitarstjórn Skagastrandar starfshóp vegna eflingar ferðaþjónustu á Skagaströnd. Starfshópinn skipuðu þeir Adolf H.Berndsen, Halldór G.Ólafsson og Jón Ólafur Sigurjónsson. Hlutverk hópsins var að skoða hvernig megi gera ferðaþjónustu enn öflugri og mikilvægari atvinnugrein og að skoða möguleika á byggingu hótels á Skagaströnd.
Á sveitarstjórnarfundi Skagastrandar í gær var lögð fram greinargerð hópsins en hún var unnin í samstarfi við atvinnuráðgjafa Samtaka sveitarfélaga á Norðurlandi vestra. Í niðurstöðum starfshópsins er lagt til að samið verði við Zeppelin arkitektastofu/Orra Árnason um gerð grófrar hugmyndar af 15-20 herbergja hóteli. Sérstaklega verði skoðað hvort rétt sé eða skynsamlegt að breyta eldri húsum á staðnum svo sem Hafnarhúsinu eða frystihúsunum á Hólanesi í hótel.
Í greinargerðinni kemur einnig fram að samhliða þessari vinnu verði óskað eftir áframhaldandi samstarfi við SSNV atvinnuþróun um frekari greiningu á tækifærum við markaðssetningu hótels og gerð viðskiptaáætlunar.
Starfshópurinn leggur til að stofnað verði hlutafélag um byggingu hótelsins. Hlutafé verði 5 milljónir króna sem sveitarfélagið leggur til. Í samþykktum félagsins verði gert ráð fyrir mögulegri hlutafjáraukningu. Hlutverk stjórnar verði í fyrstu að leita nýrra hluthafa og vinna að fjármögnun á byggingu og rekstri hótels á Skagaströnd.
Sveitarstjórn Skagastrandar ræddi greinargerðina á fundi sínum í gær og þær tillögur sem lagðar voru fram og samþykkti að leggja 5 milljónir króna í hlutafé í hótelbyggingu. Þá var samþykkt að Adolf H. Berndsen, Halldór G. Ólafsson og Jón Ólafur Sigurjónsson skipi undirbúningsstjórn fram að stofnfundi félagsins um verkefnið.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
