Aðalfundur Kvennaskólans í kvöld
Vinir Kvennaskólans ætla að halda aðalfund í Kvennaskólanum í kvöld, mánudaginn 21. maí, kl. 20.00. Á dagskrá fundarins eru venjuleg aðalfundarstörf og farið verður yfir starfsemi síðasta árs. Heitt verður á könnunni og Minjastofan opin.
Samkvæmt heimildum Húnahornsins eru vinir Kvennaskólans nú 234 talsins og nýir félagar ávallt velkomnir. Þar er einnig greint frá því að mikil ánægja ríkir með framvindu verkefna síðasta árs en þá var m.a. lokið við uppsetningu á Minjastofu í húsnæði Kvennaskólans. Menningarráð Norðurlands vestra veitti styrk til verksins að upphæð kr. 500.000 sem gerði kleyft að setja upp sögusýningu með upplýsingum um skólastarfið og sýnishornum úr kennslu.
Þá var einnig styttan í garðinum við skólann eftir Guðmund frá Miðdal pússuð upp af syni listamannsins, Yngva Guðmundssyni. Styttan er nú í geymslu í áhaldahúsi Blönduósbæjar og bíður þess að verða sett upp á ný.
Jafnframt var samið við ljósmyndara um að taka myndir af öllum skólaspjöldum og koma þeim á stafrænt form. Það er gert til þess að auka varðveislugildi til framtíðar og auðveldar eftirtökur. Það verk er enn í vinnslu. Sömuleiðis er verið að hreinsa og gera við eitt málverk og þörf er á að yfirfara fleiri.
Fyrirhuguð eru mikil hátíðarhöld í haust, eða þann 13. október, í tilefni 100 ára afmælis Kvennaskólahússins. „Kvennaskólinn hefur nú fengið góða andlitslyftingu þó framkvæmdum sé ekki að fullu lokið en unnið verður við frágang á lóð í sumar eins og fram hefur komið í fréttum,“ segir á Húna.is.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
