Aðalfundur Soroptimista: styrkur til Magga og nýr klúbbur við Húnaflóa
Aðalfundur Soroptimistaklúbbs Skagafjarðar fór fram í gærkvöldi á Kaffi Krók, þar sem farið var yfir starf félagsins síðastliðið ár og þar fóru jafnframt fram stjórnarskipti. Soroptimistar eru alþjóðasamtök kvenna sem beita sér fyrir að veita þjónustu í heimabyggð, heimalandi og á alþjóðavettvangi og miða að því að taka virkan þátt í ákvarðanatöku hvarvetna í þjóðfélaginu.
Á heimasíðu Soroptimista kemur fram að markmið samtakana sér að stuðla að heimsmynd þar sem konur og stúlkur fái betur notið sín með bættum lífskilyrðum og auknum tækifærum. Hvetja þær til aðgerða með fjölþjóðlegu samstarfi og alþjóðlegu félaganeti með það að augnamiði er að skapa öruggt og heilsusamlegt umhverfi. Að sama skapi er aukið aðgengi að menntun, eflt leiðtogahæfni og miðlað hagnýtri þekkingu til sjálfbærrar framtíðar.
Kristjana Jónsdóttir sem hefur verið formaður Skagafjarðarklúbbsins síðastliðin tvö ár lét af embætti í gærkvöldi og Ásdís Guðmundsdóttir tók við stjórnartaumunum. Gréta Sjöfn Guðmundsdóttir tók við varaformennsku og leysti Margréti Pétursdóttur af hólmi. Ásta Birna Jónsdóttir varð ritari og tók við að Herdísi Klausen. Lydía Jósafatsdóttir hefur verið gjaldkeri síðasliðið ár og mun halda áfram í því hlutverki til ársins 2012 en kosið er til embætta til tveggja ára.
Meðal þeirra atriða sem fram komu á fundinum var að nýr soroptimistaklúbbur verður stofnaður þann 5. nóvember nk., Soroptimistaklúbburinn við Húnaflóa og mun stofnfundur hans fara fram að Reykjum í Hrútafirði. Á fundinum var einnig ákveðið að styrkja Magnús Jóhannesson um 100 þúsund krónur, en Magnús er bundinn við hjólastól og hefur verið í endurhæfingu eftir að hann lenti í vinnuslysi í sumar.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
