Aðventan er að hefjast
Aðventan hefst í dag, sunnudaginn 3. desember. Orðið aðventa er dregið af latnesku orðunum Adventus Domini en þau þýða „koma Drottins“. Aðventan hefst á 4. sunnudegi fyrir jóladag og þegar aðfangadagurinn lendir á sunnudegi eins og gerist í ár er hann síðasti sunnudagur í aðventu. Aðventan hefst því eins seint og mögulegt er þetta árið. Aðventan er einnig kölluð jólafasta sem kemur til af því að fyrr á öldum mátti ekki borða hvaða mat sem var, til dæmis ekki kjöt, á þessum tíma.
Í dag kveikjum við á fyrsta kertinu í aðventukransinum sem nefnist spádómakertið og minnir á fyrirheit spámanna Gamla testamentisins sem sögðu fyrir um komu frelsarans. Annað kertið nefnist Betlehemskertið sem vísar til þorpsins sem Jesús fæddist í, það þriðja, hirðakertið, minnir á fjárhirðana sem fengu tíðindin af fæðingu Krists á undan öllum öðrum og hið fjórða er englakertið sem minnir á englana sem báru fréttirnar af fæðingu frelsarans. Samkvæmt Vísindavefnum er aðventukransinn talinn er vera upprunninn í Þýskalandi á fyrri hluta 19. aldar og barst þaðan til Danmerkur og þaðan til Íslands þar sem hann var í upphafi aðallega notaður til að skreyta búðarglugga en fór svo að tíðkast á íslenskum heimilum á sjöunda áratug síðustu aldar og er nú ómissandi hluti aðventunnar í hugum flestra.
Fastur liður í helgihaldi aðventunnar eru aðventuhátíðirnar sem haldnar eru í mörgum kirkjum landsins. Hér að neðan eru taldar þær aðventuhátíðir sem Feyki er kunnugt um.
Aðventuhátíð Miklabæjar- og Mælifellsprestakalls sunnudaginn 3. desember kl. 14:00.
Prestur er sr. Dalla Þórðardóttir og organisti Sveinn Árnason.
Fermingarbörn lesa og börnin syngja. Emelía Kvalvik Hannesdóttir og Áróra Ingibjörg Birgisdóttir flytja lag. Messukaffi verður í Héðinsminni.
Aðventuhátíð í Hofsósskirkju sunnudaginn 3. desember kl. 14:00.
Prestur sr. Ursula Árnadóttir. Kaffi í Höfðaborg á eftir.
Aðventuhátíð í Rípurkirkju sunnudaginn 3. desember kl. 16:00.
Prestur er sr. Gísli Gunnarsson og organisti Thomas R. Higgerson.
Fermingarbörn taka þátt í athöfninni og Matthildur Ingimarsdóttir á Flugumýri syngur einsöng.
Aðventuhátíð í Hvammstangakirkju sunnudaginn 3. desember kl. 20:00.
Prestur sr. Magnús Magnússon og organisti Pálína Fanney Skúladóttir.
Ræðumaður kvöldsins er Vilhjálmur Pétursson og kynnir: Eygló Hrund Guðmundsdóttir.
Kakó og smákökur í safnaðarheimilinu eftir stundina.
Aðventuhátíð í Barðskirkju fimmtudaginn 7. desember kl. 16:00.
Prestur sr. Ursula Árnadóttir. Kaffi í Sólgarðaskóla á eftir.
Aðventuhátíð í Hóladómkirkju sunnudaginn 10. desember kl. 14:00.
Prestur sr. Ursula Árnadóttir. Kaffi Undir Byrðunni á eftir.
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.