Ætluðu gangandi yfir Kjalveg
Björgunarfélagið Blanda fékk útkall kl. 07:45 í gærmorgun þar sem fjórir Bretar sem ætluðu gangandi yfir Kjalveg óskuðu eftir aðstoð. „Þeir voru að verða nokkuð uppgefnir og kaldir og treystu sér ekki að halda göngunni áfram,“ segir í tilkynningu frá Bf. Blöndu.
Bretarnir lögðu af stað fyrir fjórum dögum frá Blönduósi og voru búnir að gista í tjaldi þessa daga. Björgunarsveitarmenn komu að þeim um kl. 9:30 þar sem þeir höfðust við í tjöldunum sínum rétt hjá Arnarbælistjörn og voru þeir kátir og þakklátir þegar aðstoðin barst.
„Veðrið var sæmilegt á þessum slóðum, skafrenningur en gekk á með nokkuð dimmum éljum inná milli og var um 10 gráðu frost. Farið var með þá á Blönduós og ætluðu þeir að láta sér nægja að taka strætó til Reykjavíkur,“ segir loks í tilkynningunni.
Meðfyljandi myndir tók Ólafur Sigfús Benediksson.
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
