Ágæt frammistaða en engin stig til Stólastúlkna
Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.
Lið Blika er að sjálfsögðu eitt best spilandi lið landsins og hefur verið spáð góðu gengu í vetur. Stólastúlkur máttu eiga það að þær reyndu að spila upp völlinn en Blikar voru talsvert meira með boltann en vörn Tindastóls gaf fá færi á sér. Fyrsta markið kom eftir 17 mínútur og þar var á ferðinni Vigdís Lilja. Eftir það sem virtist slök hornspyrn datt boltinn dauður við nærstöngina og Vigdís var snögg að átt sig og lyfti boltanum í mark Tindastóls af stuttu færi. Gestirnir reyndu að koma sér inn í leikinn og sköpuðu sér sénsa en næst komst Jordyn því að skora, fékk fína sendingu frá Laufeyju inn á teiginn en Telma varði mjög vel í marki Blika. Áður hafði Jordyn átt tvö máttlítil skot og Birgitta átti fyrirgjöf sem sveif rétt yfir.
Blikarnir sóttu enn stífar í síðari hálfleik og það var líkt og þær óttuðust að Stólastúlkur mundu hegna þeim ef þær bættu ekki við marki. Á 61. mínútu björguðu Stólastúlkur á línu eftir hornspyrnu en eftir þetta færðist aðeins meira líf í sóknir Tindastóls þó áfram væri líklegra að næsta mark yrði Blika. Þær settu boltann í stöngina á 80. mínútu en þremur mínútum síðar kom besta færi leiksins og það var gestanna. Jordyn náði þá að stinga inn fyrir vörn Blika og þar var Hugrún mætt á auðum sjó. Fyrsta snerting var kannski ekki nógu góð og hún fór of nálægt Telmu í markinu sem varði skot Hugrúnar. Blikar unnu boltann og skoruðu hinum megin. Þar var á ferðinni Andrea Rut sem náði að plata Bryndísi og setja boltann óverjandi í markið. Strax í kjölfarið skullu Telma og Jakobína í liði Blika saman og leikurinn var stöðvaður í tíu mínútur. Það reyndist því nægur uppbótartími fyrir Jordyn til að fara illa með frábært færi og Öglu Maríu til að gera þriðja mark Blika.
Úrslitin voru sanngjörn en það voru færi fyrir lið Tindastóls til að stríða heimaliðinu og hefði verið áhugavert að sjá hvað hefði gerst hefði Hugrún náð að jafna þegar rúmar fimm mínútur voru eftir af venjulegum leiktíma. Líkt og í leiknum gegn FH var lið Tindastóls að skapa sér nokkur frábær færi en það er eins og sjálfstraustið vanti fyrir framan markið.
Fleiri fréttir
-
Emma Katrín Íslandsmeistari í 2. deildinni í badminton
feykir.is Skagafjörður, Íþróttir 10.05.2024 kl. 12.42Meistaramót Íslands í badminton fór fram í húsnæði Badmintonfélags Hafnarfjarðar við Strandgötuna í Hafnarfirði dagana 25.-27.apríl. Tindastóll sendi einn keppandi til leiks, Emmu Katrínu Helgadóttur en hún keppti í 2. deild, spilaði mjög vel og vann mótið sannfærandi án þess að tapa lotu. Hún vann þannig fyrsta Íslandsmeistaratitill Tindastóls í fullorðinsflokki í badminton.Meira -
Starfsfólk SSV heimsótti kollegana í SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 10.05.2024 kl. 11.36Sagt er frá því á heimasíðu SSNV að starfsfólk frá Samtökum sveitarfélaga á Vesturlandi hafi heimsótt starfssystkini sín á Norðurlandi vestra nú í vikunni. „Við áttum tvo góða og skemmtilega daga saman þar sem við ræktuðum tengsl og ræddum saman um verkefni og áskoranir landshlutasamtaka,“ segir í fréttinni.Meira -
Nemendur unnu að landafræðisýningu af metnaði
feykir.is Vestur-Húnavatnssýsla, Mannlíf 10.05.2024 kl. 09.26Það styttist í skólaárinu en það er alltaf líf og fjör í skólunum. Nú í lok apríl var sagt frá því á heimasíðu Grunnskóla Húnaþings vestra að nemendur í landafræði á miðstigi höfðu unnið hörðum höndum að kynningum vikurnar á undan en þá hafði hver nemandi valið sér land og í framhaldinu útbúið kynningarefni um landið og loks var haldin sýning. Margir höfðu fundið til muni frá löndunum, buðu upp á tónlist og góðgæti.Meira -
Líklega kosið um sameiningu 8.-22. júní
feykir.is Austur-Húnavatnssýsla 10.05.2024 kl. 08.39Feykir sagði frá því fyrir viku að Húnabyggð og Skagabyggð hefðu samþykkt að ganga til kosninga í júní um sameiningu sveitarfélaganna. Að líkindum fer kosning fram dagana 8.-22. júní. Ef sameining verður samþykkt þá mun hún taka gildi 1. ágúst 2024. Síðastliðinn sunnudag var opinn fundur í Skagabúð fyrir íbúa Skagabyggðar þar sem sameiningarmál voru m.a. rædd.Meira -
„Það eina sem ég hugsaði um var að klára þetta færi“
feykir.is Skagafjörður, Austur-Húnavatnssýsla, Íþróttir 09.05.2024 kl. 20.00Feykir spurði Elísu Bríeti Björnsdóttur, Skagstrendinginn unga, nokkurra spurninga að loknum leik Tindastóls og Fylkis sem fram fór í dag en hún átti enn einn flotta leikinn og var t.d. valin maður leiksins á Fótbolti.net. Elísa Bríet gerði fyrsta mark leiksins og þar með fyrsta mark sitt í Bestu deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.