Áhyggjur yfir þeirri alvarlegu stöðu sem uppi er í samfélaginu
Aðalfundur kjördæmisráðs Sjálfstæðisflokksins í Norðvesturkjördæmi var haldinn í Borgarnesi 13. október 2012. Í ályktun frá fundinum er lýst yfir miklum áhyggjum yfir þeirri alvarlegu stöðu sem uppi er í samfélaginu og að erfiðleikar almennings og atvinnulífs sé birtingarmynd hennar.
Í ályktunni segir:
„Vaxandi skattheimta dregur þrótt úr samfélaginu og skerðir þar með lífskjör til lengri tíma. Ólíðandi höft á uppbyggingu alls atvinnulífs hafa staðið yfir allt of lengi. Kjördæmisráðið hafnar aðför ríkisstjórnarinnar að íslensku samfélagi, og því neikvæða viðhorfi sem ríkisstjórnin hefur í garð sjávarútvegs, stóriðju, ferðþjónustu og fleiri atvinnugreina.
Sjálfstæðisflokkurinn í Norðvesturkjördæmi leggur áherslu á jákvætt viðhorf til atvinnulífsins, sem er forsenda endurreisnar fjárhags heimilanna í landinu.
Fundurinn hvetur til sóknar í uppbyggingu samgöngukerfisins, sem er hagkvæm aðgerð er styrkir grunnstoðir samfélagsins. Gott vegakerfi er forsenda atvinnulífs og þar með byggðar í dreifbýli.
Aðalfundurinn hafnar hörmulegum vinnubrögðum við breytingar á stjórnarskrá lýðveldisins. Breytingar á stjórnarskránni þurfa að vera gerðar af yfirvegun. Fundurinn hvetur Íslendinga til að mæta á kjörstað og hafna tillögum svokallaðs stjórnlagaráðs að frumvarpi til stjórnarskipunarlaga.
Aðalfundurinn eggjar þingmenn Sjálfstæðisflokksins til að leggja fram nýja byggðastefnu byggða á samþykktum landsfundar Sjálfstæðisflokksins.
Aðalfundurinn telur umsókn um aðild að Evrópusambandinu vera ótímabæra og brýnna að sinna öðrum mikilvægari málum. Fundurinn hvetur til þess að hlé verði gert á aðildarviðræðunum og þær ekki hafnar á nýju nema að undangenginni þjóðaratkvæðagreiðslu.
Kjördæmisráð Sjálfstæðisflokksins í Norðvesturkjördæmi ályktar að ekki verði unnt að snúa við þeirri alvarlegu stöðu sem uppi er í þjóðfélaginu, nema horfið verði frá þeirri stöðnunar og afturhaldsstefnu sem nú ríkir. Til þess verður Sjálfstæðisflokkurinn að vinna sigur í alþingiskosningunum í vor og stýra næstu ríkisstjórn.“
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
