Allt milli fjalls og fjöru
Síðustu daga hefur verið í mörg horn að líta hjá björgunarsveitinni Strönd, samkvæmt heimasíðu sveitarinnar, og voru verkefnin fjölbreytt og fluttu björgunarsveitarmenn allt milli fjalls og fjöru í orðsins fyllstu merkingu.
Í óveðrinu sem skall á annan í páskum slitnaði báturinn Laxdal HU 47 frá bryggju á Skagaströnd. Mjög hvasst var milli klukkan átta og níu um morguninn og fóru hviður í 38 m/s en stöðugur vindur var 22-24 m/s. Björgunarsveitin sendi mannskap í að koma bátnum að bryggju og binda hann aftur. Jafnframt var aðstoðað við að færa Sæfara SK 112 til í höfninni, í betra lægi.
„Ekki varð neitt tjón svo vitað sé þótt hvasst hafi verið enda íbúar hér um slóðir ekki alveg óvanir slíkum vindi. Lítið hefur að vísu farið fyrir norðaustanáttinni undanfarið svo þetta var svona hálfgerð upprifjun, bara svona til að við gleymdum ekki að hún væri til,“ segja Björgunarsveitarmenn.
Á þriðjudag aðstoðaði Húnabjörg við að snúa togaranum Arnari í höfninni en hann var að leggja af stað í slipp á Akureyri. Viðsnúningurinn gekk vel þrátt fyrir vindbelging og að skipið væri galtómt, en búið að taka allt frá borði eins og t.d. umbúðir, veiðarfæri og annað slíkt.
„Skipið var því mjög létt í sjó og því gat verið verra að hemja það í vindsperringnum. Gekk þetta þó vonum framar og án vandræða ,“ segir á heimasíðunni.
Sama dag kom beiðni frá Neyðarlínunni um að líta á sendana á Steinnýjarstaðafjalli vegna mikils hita í tækjaskúrnum. Tveir menn fóru og könnuðu málið og kom í ljós að snjór og klaki hafði lokað fyrir loftræstistúta og var því snarlega kippt í liðinn.
Þrátt fyrir leiðindaveður á fjallinu gekk ferðalagið vel enda menn að komast í æfingu aftur eftir nokkurt hlé á ferðum þarna upp en um var að ræða þriðju ferð sveitarinnar á fjallið á síðustu þrem vikum.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
