Allur búnaður eins og best verður á kosið
Glæsilegur sjúkrabíll, af gerðinni Benz Sprinter, kom á Blönduós á dögunum og leysir af hólmi eldri bíl sömu gerðar sem þar var fyrir. Er hann úr annarri sendingum af tveimur sem Rauði krossinn hefur látið innrétta í Póllandi og flutt til landsins, en fyrsta sendingin kom á síðasta ári. Að sögn Einars Óla Fossdal er allur búnaður í bílnum eins og best verður á kosið, bæði fyrir sjúklinga og starfsfólk.
Einar Óli segir muninn á hinum nýja bíl og þeim sem fyrir var fyrst og fremst vera hversu miklu betur fer um sjúklingana. Þá hefur vinnuaðstaða sjúkraflutningamanna verið bætt mikið í nýjustu bílunum. „Það er Rauða Krossinum til mikils sóma hvað þessir bílar eru vel útbúnir. Innréttingar eru orðnar betri og allt öryggi eins og best getur verið,“ segir hann. Loftdýnur og loftspelkur fyrir hendur og fætur, sem styðja við áverka og halda vel hita á slösuðu fólki, eru meðal nýjunga í búnaði í hinum nýja sjúkrabíl. „Þetta eru auðvitað tæki sem við viljum nota sem minnst,“ segir Einar Óli. „En þau þurfa að vera í lagi og sem betur fer hefur verið vel staðið að því að hafa þessa hluti í lagi.“
Tveir sjúkrabílar eru á Blönduósi og þar af starfa átta sjúkraflutningamenn. Sex þeirra standa fastar vaktir og tveir þeirra starfa jafnframt við húsvörslu og viðhald hjá HSN á Blönduósi. Sinna þeir allri Austur-Húnavatnssýslu en um 230 útköll eru í Austur-Húnavatnssýslu á ári og í um helmingi þeirra þarf að fara langar vegalengdir, gjarnan til Akureyrar eða Reykjavíkur. Auk þess að fara sjúkraflutningamenn frá Blönduósi oft í útköll í Skagafjörð og Húnaþing vestra þegar stærri slys verða. „Þeir eru líka boðnir og búnir að koma til okkar þegar vantar hjálp og finnst mér það frábært hvað þessi samfélög hérna á Norðurlandi vestra eiga flottan hóp sjúkraflutningamanna,“ segir Einar Óli að lokum.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
