Árni Gunn frumsýnir tvær myndir í Bifröst
„Við frumsýnum Ævintýri á hestbaki í Bifröst á Sauðárkróki næsktkomandi mánudag, kl. 17:00 og svo er önnur sýning kl. 20 um kvöldið. Vegur 75 um Tröllaskarð verður sýndur með sama hætti daginn eftir, þriðjudaginn 17. nóvember,“ segir Árni Gunnarsson kvikmyndagerðarmaður í spjalli við Feyki. Myndirnar voru fyrst sýndar á RIFF í október en nú er um að gera að skella sér í bíó í Bifröst.
Í Ævintýri á hestbaki er fylgst með knapanum Þórgunni Þórarinsdóttur um árabil eða frá því að hún var 15 ára stelpa í hesthúsunum á Króknum, þar til að hún fimm árum síðar keppir erlendis á sínu fyrsta heimsmeistaramóti í hestaíþróttum. Vegur 75 um Tröllaskarðsegir magnaða sögu af viðskiptum Vegagerðarinnar við óvænt öfl þegar vegur var lagður um Tröllaskarð í Hegranesi. Ólíkar myndir en báðar afar forvitnilegar.
Þú sýndir myndirnar á RIFf, hvernig voru viðtökur? Við sýndum ævintýri á hestbaki og veg 75 um Tröllaskarð á RIF í október. Viðtökurnar voru mjög góðar og síðan þá höfum við fengið fjölda fyrirspurna um það hvenær myndinar verði sýndar aftur.
Var eitthvað sem kom þér á óvart í sambandi við sýningarnar þar? „Þetta eru tvær ólíkar heimildamyndir. Ævintýri á hestbaki er um unga stúlku sem er að keppa við þá bestu í hestaíþróttum og Vegur 75 fjallar um samskipti manna og huldra afla – eða anda af öðrum heimi. Og það sem kemur kannski skemmtilega óvart er hve áheyrendahópurinn að þessum myndum er ólíkur.“
Verða myndirnar sýndar í sjónvarpi? „Það lítur ekki út fyrir það eins og staðan er akkúrat núna. Þetta eru myndir sem eiga í raun og veru heima í dagskrá RÚV en innlenda dagskrárdeildin hefur svarað okkur því að RÚV sjái sér ekki fært að kaupa sýningarréttinn að svo stöddu. Það verður bara að koma í ljós hvar þær verða sýndar opinberlega og ég vona að það skýrist fljótlega,“ segir Árni.
Fleiri fréttir
-
Íris Ösp var fyrirliði Íslands í jafntefli gegn Belgum
feykir.is Íþróttir, Lokað efni 15.11.2026 kl. 13.48Feykir hefur áður minnst á að íslenska kvennalandsliðið U15 tæki þátt í UEFA Development-móti á Spáni í liðinni viku. Liðið lék þrjá leiki gegn sterkum andstæðingum; Spáni, Belgíu og Þýskalandi. Tindastólsstúlkan Íris Ösp Elefsen var í byrjunarliði Íslands gegn Belgíu, bar að auki fyrirliðabandið og spilaði allar 90 mínúturnar! Það var að sjálfsögðu eini leikurinn sem Ísland krækti í jafntefli.Meira -
Bjóðum við þeim með? | Álfhildur Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.11.2026 kl. 13.26Í samfélagsumræðunni er gjarna rætt um mikilvægi þess að fólk sem flytur til Íslands læri tungumálið, aðlagist samfélaginu og taki virkan þátt. En sem samfélag mættum við horfa aðeins í eigin barm og spyrja: hvað gerum við til þess að öll upplifi að þau tilheyri samfélaginu okkar?Meira -
Óttast var að allt að 400 fjár hefði fennt
feykir.is Skagafjörður, Austur-Húnavatnssýsla, Vestur-Húnavatnssýsla 14.11.2026 kl. 10.17Nú snemma í morgun voru björgunarsveitir kallaðar út til aðstoðar bónda suður af Blönduósi. Í tilkynningu frá Landsbjörg segir að bóndinn hafi óttast að allt að 400 fjár hefði fennt um nóttina. Þegar lögregla kom á staðinn varð ljóst að svo alvarlegt var ástandið ekki.Meira -
Allir fjallvegir á Norðurlandi vestra lokaðir vegna veðurofsans
feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 20.48Það er hundleiðinlegt vonskuveður sem stendur á Norðurlandi vestra og í raun ekki hundi út sigandi. Vegirnir yfir Öxnadalsheiði, Vatnsskarð, Þverárfjall og Holtavörðuheiði eru lokaðir vegna veðurs og sömuleiðis vegurinn um Langadal. Vindur er víða á svæðinu yfir 20 m/sek og hátt í 40 m/sek í kviðum.Meira
