Allir fjallvegir á Norðurlandi vestra lokaðir vegna veðurofsans
Það er hundleiðinlegt vonskuveður sem stendur á Norðurlandi vestra og í raun ekki hundi út sigandi. Vegirnir yfir Öxnadalsheiði, Vatnsskarð, Þverárfjall og Holtavörðuheiði eru lokaðir vegna veðurs og sömuleiðis vegurinn um Langadal. Vindur er víða á svæðinu yfir 20 m/sek og hátt í 40 m/sek í kviðum.
Á vef RÚV er sagt frá því að nánast allar björgunarsveitir frá Hrútafirði til Skagafjarðar hafi verið kallaðar út á einhverjum tímapunkti seinni partinn í dag. Þetta er haft eftir Jóni Þór Víglundssyni upplýsingafulltrúa Landsbjargar.
„Björgunarsveitin hefur sinnt verkefnum víða í dag vegna veðursins, þá sérstaklega á Norðvesturlandi og á Vestfjörðum. Fyrir skemmstu var björgunarsveit kölluð út til að aðstoða ökumenn á Bröttubrekku.
Margir hafa þurft á aðstoð björgunarsveitar að halda eftir að lenda í vandræðum við akstur, langflestir frá Holtavörðuheiði og inn í Skagafjörð.
Jón Þór segist vona að flestir sem hafi verið á ferðinni séu komnir á leiðarenda. Skynsamlegast sé að halda kyrru fyrir.“
Þá segir frá því að fimm bílar og rúta hafi setið föst á Vatnsskarði nú undir kvöld. „Lögreglan á Norðurlandi vestra losaði bílana fyrir skömmu og rútan er komin í Varmahlíð.“ Þetta sagði Pétur Björnsson, yfirlögregluþjónn hjá lögreglunni á Norðurlandi vestra fyrir um klukkutíma.
RÚV er sannarlega með puttann á púlsinum því þar er þess getið að áhrifavaldurinn Patrekur Jamie sitji fastur á Blönduósi en hann las ekki fréttir áður en hann lagði af stað frá Reykjavík til Akureyrar í dag. Lenti því alveg óvænt í óveðri. Hann ku vera kominn með húsaskjól á Blönduósi.
Fleiri fréttir
-
Blái Tréfillinn er kominn í sölu á Olís, N1 og Lyfju
feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 13.35Ef þú greinist með krabbamein í blöðruhálskirtli gengur þú aldrei einn. Krabbameinsfélagið Framför, félag karlmanna með krabbamein í blöðruhálskirtli og aðstandenda var stofnað þann 12. febrúar 2007. Tilgangur félagsins er að styðja karlmenn sem hafa greinst með krabbamein í blöðruhálskirtli og maka þeirra og aðstandendur.Meira -
Appelsínugul viðvörun tekur gildi kl. 17
feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 11.27„Norðan 18-23 m/s og talsverð snjókoma og skafrenningur með slæmu skyggni og versnandi færð. Ekkert ferðaveður,“ segir í veðurspá Veðurstofunnar fyrir Strandir og Norðurland vestra. Nú hefur appelsínugul veðurviðvörun verið færð framar í tíma og gildir frá því kl. 17 í dag en ekki kl. 20 eins og gert var ráð fyrir í gær.Meira -
Ekki sjálfgefið að vinna leiki í Evrópu
feykir.is Skagafjörður, Íþróttir, Lokað efni 13.11.2026 kl. 10.43„Það var bara gott að vinna leikinn. Það er aldrei sjálfgefið að vinna leik í Evrópu og ég held að varnarleikurinn okkar hafi skopið þennan sigur,“ sagði Arnar Guðjónsson þjálfari Tindastóls þegar Feykir spurði hann í morgun hvort hann hefði verið ánægður með sigurinn á Polly Lausanne Foxes í ENBL-deildinni í gærkvöldi.Meira -
Menningarkvöldi frestað um sólarhring
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.11.2026 kl. 10.05Það er leiðinda veðurspá fyrir kvöldið og af þeim sökum hefur verið ákveðið að fresta hinu árlega Menningarkvöldi Nemendafélags Fjölbrautaskóla Norðurlands vestra sem fram átti að fara í kvöld. Menningin er í hávegum höfð í FNV og því er Menningarkvöldinu aðeins frestað um sólarhring og hefur því verið sett á annað kvöld – laugardaginn 14. nóvember.Meira
