Árskólakrakkar léku við erlenda leikmenn Tindastóls í frímínútunum
„Við erum með smá kynningu á körfuboltanum í Skagafirði og sýna erlendu leikmennina í meistaraflokkum karla og kvenna og reyna að fá smá tengingu milli krakka og leikmanna og vera góðar fyrirmyndir fyrir þessa krakka,“ segir Friðrik Hrafn Jóhannsson, en hann, Jan Bezica, þjálfari kvennaliðsins, ásamt erlendu körfuknattleikmönnunum mættu í frímínútur í Árskóla á Sauðárkróki í morgun til að lífga upp á íþróttastarfið, skapa smá skemmtun og hafa gaman.
Það var ekki annað að sjá en að allir skemmtu sér vel og leikmennirnir hafi fengið mikla athygli unga fólksins sem sýndi hvað í því býr. Skotið var á körfu og svo var tekinn einn léttur leikur með óvenju mörgum í byrjunarliðunum.
Friðrik Hrafn er þriðji þjálfari meistaraflokks karla, þjálfar yngri flokka í körfunni ásamt því að þjálfa í frjálsum íþróttum. Hann segist þekkja krakkana vel enda einnig unnið í Árskóla sem stuðningsfulltrúi áður. Þá hafi hann einnig verið flokksstjóri í unglingavinnunni. „Þannig að maður þekkir þessa krakka og gaman að geta tengt þetta þannig að þau sjá hvað er gaman að vera í íþróttum,“ segir hann.
En nú er boltinn að fara að rúlla á körfuboltavellinum þar sem kvennalið Tindastóls leikur gegn Stjörnunni í Mathús Garðabæjar-höllinni í bikarkeppni kvenna í kvöld klukkan 19:15. Bæði lið leika í 1. deildinni en þar eiga Stólastúlkur sinn fyrsta leik þann 2. október gegn Hamri-Þór.
Strákarnir taka hins vegar á móti Álftanesi á morgun í bikarkeppni karla en fyrsti leikur liðsins í úrvalsdeildinni verður háður 8. október gegn Val í Síkinu. Friðrik Hrafn segir liðið líta mjög vel út og er bjartsýnn á gengi þess í vetur. „Miðað við æfingar er þetta mjög þéttur hópur og lítur vel út. Mjög spennandi tímar framundan,“ segir hann að lokum.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Það er sagt frá því á Facebook-síðu Lögreglunnar á Norðurlandi vestra að það sé gleðilegt að segja frá því að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
