Aþena nældi í sigur þrátt fyrir magnaða endurkomu Stólastúlkna
„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.
Fyrsti leikhluti var hnífjafn og liðin skiptust á um að hafa forystuna en staðan að honum loknum var 14-14. Gestirnir höfðu síðan frumkvæðið framan af öðrum leikhluta, leiddu 25-30 þegar fjórar mínútur voru til hálfleiks en heimastúlkur voru grimmari fram að hléi og náðu 17-9 kafla. Þær voru því þremur stigum yfir í hálfleik, 42-39.
Stólastúlkur voru snöggar að jafna í byrjun síðari hálfleiks en síðan kom sterkur kafli hjá Aþenu og þær náðu níu stiga forystu þegar þriðji leikhluti var hálfnaður. Staðan 53-44. Körfur frá Birnu, Emese og Ifu minnkuðu muninn snöggt í tvö stig en Aþena kláraði leikhlutann með sjö stigum og voru heimastúlkur því með góða níu stiga forystu fyrir lokakaflann. Staðan 60-51. Áfram var barist í fjórða leikhluta en munurinn hélst 8 til 12 stig allt þar til innan við tvær mínútur voru eftir af leiknum og staðan þá 78-69. Stólastúlkur gefast aldrei upp og á rúmlega mínútu tókst þeim að jafna leikinn með körfum frá Klöru (3), Andriönu (4) og Ifu (2) sem jafnaði leikinn. Það var hins vegar Sianni sem átti lokaorðið og og lið Tindastóls fékk aðeins eina sekúndu til að bregðast við að loknu leikhléi og það dugði eðlilega ekki til að ná góðu skoti.
Ofboðslega stoltur
Ifu var stigahæst í liði Tindastóls með 25 stig og hún tók sex fráköst. Andriana gerði 23 stig og var með flotta 76% skotnýtingu og hún hirti fimm fráköst og átti fimm stoðsendingar. Emese gerði 14 stig og hirti 15 fráköst og þá setti Klara Sólveig niður tvo þrista og endaði með sex stig. Í liði Aþenu var Sianni Martin stigahæst með 26 stig og Dzana Crnac var með 19.
„Þetta var hörkuleikur. Við vorum megnið af leiknum með góða stjórn á honum og við vorum að halda þeim frá körfunni mikið til í leiknum,“ sagði Helgi en benti á að 3ja stiga nýting Aþenu hefði verið um 40% og það hefði verið dýrkeypt. Heimastúlkur hefðu haldið sér inni í leiknum þar sem Dzana gerði fimm 3ja stiga körfur í fyrri hálfleik. „En stelpurnar gáfu allt í þetta og ég er ofboðslega stoltur af þeim og ef ekki hefði verið fyrir stórkostlegt einstaklingsframtak hjá Kana Aþenu í lokaskotinu þá hefðum við verið að fara í framlengingu með skriðþungann okkar meginn,“ sagði Helgi.
Staðan því 2-1 fyrir Aþenu en næsti leikur verður í Síkinu á þriðjudaginn. Það er ekki margt sem skilur á milli þessara liða og stuðningur í Síkinu gæti því skipt sköpum eins og svo oft áður. Áfram Tindastóll.
Fleiri fréttir
-
Ánægjuleg niðurstaða ársreiknings Skagafjarðar
feykir.is Skagafjörður 18.05.2024 kl. 10.01Ársreikningur Skagafjarðar fyrir árið 2023 var samþykktur samhljóða við síðari umræðu í sveitarstjórn sl. miðvikudag. Í frétt á heimasíðu Skagafjarðar segir að niðurstaðan sé ánægjuleg, rekstrarafgangur samstæðunnar var samtals að upphæð 123 milljónir króna, afborganir langtímalána voru hærri en taka nýrra lána annað árið í röð og skuldahlutfall og skuldaviðmið lækkuðu einnig annað árið í röð, auk þess sem eiginfjárhlutfall og handbært fé í árslok hækkuðu á milli ára.Meira -
Söfn í þágu fræðslu og rannsókna | Alþjóðlegi safnadagurinn er í dag
feykir.is Skagafjörður, Listir og menning, Mannlíf 18.05.2024 kl. 07.28Yfirskrift safnadagsins í ár, „Söfn í þágu fræðslu og rannsókna“, snýr að mikilvægi menningarstofnana þegar kemur að því að bjóða upp á heildræna fræðslu og tækifæri til þekkingaröflunar. Eins og segir á heimasíðu FÍSOS (Félag íslenskra safna og safnamanna): „Söfn þjóna samfélaginu sem kraftmiklar fræðslumiðstöðvar, þar sem þau glæða forvitni, sköpunargleði og gagnrýna hugsun. Nú í ár er vakin athygli á þætti safna í að styðja við rannsóknir og skapa vettvang til að kanna og deila hugmyndum. Hvort sem viðfangið er saga eða listir, tækni eða vísindi, þá eru söfn vel í stakk búin til að efla skilning og þekkingu okkar á heiminum í gegnum fræðslu og rannsóknir.“Meira -
Tónlistarskóla Austur-Húnvetninga slitið
feykir.is Austur-Húnavatnssýsla, Listir og menning 17.05.2024 kl. 16.15Tónlistarskóla Austur-Húnvetninga var slitið í gær við athöfn í Blönduóskirkju en alls voru það 18 nemendur sem luku stigs- og áfangaprófum og átta nemendur luku grunnprófi þetta vorið. Það hefur verið líf og fjör í skólanum undanfarnar vikur, fernir tónleikar verið haldnir á Blönduósi og Skagaströnd sem tókust afskaplega vel.Meira -
Sumaropnun á Gránu Bistro, Retro Mathúsi og í Jarlsstofu
feykir.is Skagafjörður, Listir og menning 17.05.2024 kl. 13.37Sumarið er komið og nú opna fleiri og fleiri veitingastaðir dyr sínar fyrir svöngum túristum og heimafólki sem er spennt fyrir fjölbreytni í úrvali veitingastaða. Nú um helgina verður opið hjá Retro Mathúsi á Hofsósi, Jarlsstofa restaurant í kjallara Hótel Tindastóls er með kvöldopnun og Grána Bistro verður með opið föstudags, laugardags- og sunnudagskvöld.Meira -
Kurteisi kostar ekkert | Leiðari 18. tölublaðs Feykis
feykir.is Skagafjörður, Aðsendar greinar 17.05.2024 kl. 13.26Flokkspólitísk dagblöð voru lenskan framan af síðustu öld. Stjórnmálaflokkarnir voru lengi vel fjórir og hver og einn hafði sína málpípu þar sem réttu skoðanirnar voru predikaðar – í raun bergmálshellir þeirra tíma. Framsóknarmenn lásu Tímann, kratar Alþýðublaðið, kommar Þjóðviljann og íhaldið Moggann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.