Auglýst eftir umsóknum í Húnasjóð
Húnaþing vestra auglýsir eftir umsóknum í Húnasjóð en sjóðurinn hefur þann tilgang að stuðla að endurmenntun og fagmenntun í Húnaþingi vestra. Þeir sem eiga möguleika á styrk úr sjóðnum eru háskólanemar að undanskildum doktorsnemum, og þeir sem stunda fagnám til starfsréttinda og eru ekki á samningi við vinnuveitanda í starfsgrein sinni. Viðkomandi þarf að vera á síðasta námsári eða að hafa lokið námi sínu eftir síðustu úthlutun til að geta fengið styrk. Einnig veitir sjóðurinn styrki vegna námskeiða sé talið að þau styrki viðkomandi í starfi og hann sé ekki styrktur af vinnuveitanda sínum eða stéttarfélagi.
Styrkurinn er eingöngu veittur þeim sem lögheimili eiga í Húnaþingi vestra og hafa átt það a.m.k. frá 1. desember árið fyrir úthlutun. Ennfremur geta þeir námsmenn sótt um í sjóðinn sem stunda nám erlendis og hafa þurft að flytja lögheimili sitt þangað, hafi lögheimili þeirra verið í Húnaþingi vestra síðustu sex mánuði fyrir flutning.
Húnasjóður var stofnaður af hjónunum Ásgeiri Magnússyni og Unni Ásmundsdóttur til að minnast starfsemi Alþýðuskóla Húnvetninga en Ásgeir stofnaði skólann og rak hann á Hvammstanga árin 1913-1920.
Skriflegar umsóknir um styrk vegna ársins 2017 ásamt lýsingu á námi skulu berast skrifstofu Húnaþings vestra, Hvammstangabraut 5 á Hvammstanga á þar til gerðum eyðublöðum í síðasta lagi 12. júlí n.k.
Umsóknareyðublöð má nálgast á skrifstofu sveitarfélagsins eða á heimasíðunni www.hunathing.is undir liðnum eyðublöð.
Úthlutunarreglur sjóðsins er að finna hér.
Fleiri fréttir
-
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira
