Aukatónleikar með Ásgeiri Trausta á Hvammstanga
Uppselt er á tónleika Ásgeirs í Félagsheimilinu á Hvammstanga á laugardagskvöld. Aukatónleikar sem hefjast kl 17.00 samdægurs eru farnir í sölu á Tix.is.
Beint á vínyl / Straight to Vinyl hefst í dag
Í dag kl 17.00 hefst svo Beint á vínyl / Straight to Vinyl verkefni Ásgeirs en hann ætlar að taka upp eins margar 7” vínylplötur og hann kemst yfir samfleytt í 24 klukkustundir í hinu sögufræga hljóðveri Hljóðrita í Hafnarfirði. Bein útsending verður frá upptökununum á RÚV 2 og RÚV.is í svokölluðu hægvarpi.
www.asgeirmusic.com/straighttovinyl
Ásgeir mun taka einfaldar og öðruvísi útgáfur af eigin lögum og jafnvel fá góðkunn lög eftir aðra listamenn að fljóta með ef sá gállinn er á honum. Lögin verða tekin upp beint á vínyl með vínylskurðarvél og verður því hver útgáfa lags einungis til í einu eintaki og þar af leiðandi er hver vínylplata algjörlega einstakur gripur.
Í þessar 24 klukkustundir sem útsendingin varir mun Ásgeir fá til sín nokkra góða gesti sem aðstoða við upptökur eða detta inn í kaffibolla og spjall. Hugmyndin að verkefninu kviknaði þegar Vinyll.is fékk aðstöðu í Hljóðrita en um er að ræða litla “vínylverksmiðju” sem handskrifar vínylplötur og endurtekur ferlið fyrir hverja plötu sem þarf að gera. Með “vínylverksmiðjuna” staðsetta í Hljóðrita skapaðist tækifæri til að taka upp beint á vínyl og búaþannig til eitthvað alveg einstakt fyrir aðdáendur Ásgeirs um heim allan. Þeim mun svo gefast tækifæri til að næla sér í eintak í alþjóðlegri fjársjóðsleit (Treasure Hunt) sem verður kynnt betur síðar. Einnig er mögulegt að lítið upplag af framleiðslunni fari í sölu síðar meir.
Útsendingin frá Hljóðrita hefst kl 17.00 í dag og stendur, eins og áður segir, yfir í 24 klukkustundir. Um er að ræða útsendinginu í anda hægvarps eða „Slow TV“ sem á uppruna sinn að rekja til NRK, norska ríkissjónvarpsins. NRK hefur sent beint út klukkustundum saman frá sömu athöfninni eins og ferjuferð, prjónaskap og fuglabjargi. Þetta er ekki í fyrsta sinn sem RÚV tekst á við hægvarp því fyrir um ári síðan var sýnt beint frá hringferð hljómsveitarinnar Sigur rósar í 24 klukkustundir og þar á undan hafði verið sýnt beint frá sauðburði við góðar undirtektir landsmanna.
Til viðbótar við beina útsendingu á vef RÚV og á RÚV 2 verður hægt að horfa á útsendinguna á Youtube-rás Ásgeirs og fylgjast með lýsingu og myndum frá upptökunum á Twitter og Instagram síðum Ásgeirs og RÚV. Rás 2 mun einnig taka virkan þátt í viðburðinum og upplýsa hlustendur um gang mála í Hljóðrita.
Við hvetjum landsmenn alla til að fylgjast með útsendingunni og taka þátt í henni með sköpunargleðina að leiðarljósi — #asgeirstraighttovinyl.
www.asgeirmusic.com/straighttovinyl
/Fréttatilkynning
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
