Aukið netöryggi í Húnavatnshreppi
Vonir standa til að nýtt þráðlaust netkerfi, sem sett verður upp í Húnavatnshreppi a komandi mánuðum, muni auka netöryggi íbúanna. Í sumar samdi sveitarfélagið um uppsetningu á svokölluðu TDMA-kerfi, en það er þráðlaust net sem á að ná til um níutíu bæja og áætlað er að uppsetningu ljúki í haust, að því er fram kemur í viðtali við Jens P. Jensen, sveitarstjóra Húnavatnshrepps, á vef Ríkisútvarpsins.
Þar segir Jens P. Jensen sveitarstjóri að þráðlausa kerfið sem nú er notast við sé löngu úrelt. „Netsambandið hefur verið mjög slæmt. Bilanatíðni hefur verið mikil í kerfinu. Þessi búnaður sem við erum með hefur alls ekki verið nógu góður. Þetta er eiginlega eina ráðið sem við sjáum til að reyna að bæta úr þessu,“ segir Jens. Hann segir einnig að Húnavatnshreppur sé að leggja eitthvað á milli fjórar og fimm milljónir í verkefnið sem sé um helmingur af kostnaði við uppsetningu.
Daníel Gunnarssonar hjá eMax, sem setur upp og rekur kerfið, segir að hraðinn í eldra kerfinu sé frá fjórum til átta megabita á sekúndu en nýja kerfið geti náð allt að þrjátíu megabitum. Eldra kerfið, sem er enn í notkun í mörgum sveitum, sé á sömu tíðni og mörg önnur rafeindatæki og það trufli sambandið. Nýja kerfið sé því stöðugra.
Á vef RÚV segist Jens binda miklar vonir við breytinguna. „Það er búið að setja þetta kerfi upp í Kjósinni og eftir því sem ég hef séð þá er bara mikil ánægja með þetta þar. Ég vonast til að það verði sama hér.“
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
