Bændafundur vegna riðurannsókna verður í Húnaveri 30. júní
Það kom fram í frétt um Fálkaorðuhafann Karónlínu Elísabetardóttur í Hvammshlíð í Feyki í gær að hún væri að undirbúa bændafund þar sem nýjustu niðurstöður í riðurannsóknum verða kynntar. Fundurinn verður í Húnaveri þriðjudaginn 30. júní og hefst kl. 18. Á fundinn mæta Christine Fast, verkefnastjóri alþjóðlega riðurannsóknarhópsins, og Lina Spless samstarfskona hennar en fleiri aðilar mæta til leiks í gegnum Zoom eða jafnvel í eigin persónu í Húnaver.
Síðan 2021 hefur stór alþjóðlegur hópur leiðandi riðusérfræðinga unnið að því að finna brautryðjandi lausnir fyrir landið okkar - með frábærum árangri! Og ný þekking bætist enn við, til dæmis:
- Næmi: Mjög ólíkir íslenskir riðustofnar „sérhæfa" sig í ólíkum arfgerðum – einn „ljósgrænn" breytileiki sýnir veikleika.
- Umhverfissmit: Þrátt fyrir ítarlega sótthreinsun er smitálagið í mismunandi „riðufjárhúsum" mjög misjafnt.
Margt fleira kemur til, m.a. voru skoðuð 28 smitefni úr flestum landshlutum, bornar saman 20 riðuhjarðir frá 1997 til 2023, mælt smit í fjárhúsum á sjö mismunandi riðubæjum á Norðurlandi vestra og rannsakaðir faraldsfræðilegir áhættuþættir.
Nýjustu niðurstöðurnar verður núna kynntar opinberlega. Christine Fast, verkefnastjóri, mætir sem fyrr segir á fundinn í Húnaveri, Stefanía Þorgeirsdóttir, Keldum, mætir a.m.k. á Zoom, en kannski á staðinn. Vincent Béringue, sérfræðingur í næmismælingum, mætir á Zoom.
Karólína Elísabetardóttir verður líka á staðnum, þýðir jafnóðum yfir á íslensku og tekur einnig saman nokkra verkþætti.
„Við byrjum kl. 18, í boði verður léttur kvöldverður og það verður nógur tími til að tala við Christine og hina sérfræðinga. Það má spyrja og ræða allt á milli himins og jarðar sem tengist riðu. Fundurinn hentar bæði byrjendum og lengra komnum!“ segir Karólína.
Fundinum verður líka streymt og hann verður tekinn upp og verður upptakan aðgenileg í 2-3 daga eftir fundinn.“
Til að fundarhaldarar hafi hugmynd um gestafjöldann varðandi matinn er fólk sem hyggst mæta vinsamlegast beðið um að skrá sig með tölvupósti á lina [hjá] ridaneitakk.net í síðasta lagi mánudagsmorguninn 29. júní.
Fleiri fréttir
-
Jafnvægið hefur raskast | Umræða um Króksmót
feykir.is Skagafjörður, Íþróttir 26.06.2026 kl. 08.54Talsverð umræða hefur skapast í kjölfar Króksmóts stúlkna sem fram fór á Sauðárkróki um liðna helgi. Þátttaka á mótinu var dræm svo ekki sé meira sagt en aðeins 27 lið frá sex félögum mættu til leiks að þessu sinni en liðin hafa jafnan verið í kringum 100 og mest 118. Fækkun varð í fyrra en þá tóku 68 lið þátt. Þessi knattspyrnumót eru jafnan mikilvæg tekjulind fyrir félögin og skipta oft höfuðmáli í starfseminni fyrir utan hvað þau eru skemmtileg og gefandi. Nú virðist sem stóru klúbbarnir sæki í sífellt stærri bita af kökunni. Feykir heyrði hljóðið í Guðbjörgu Óskarsdóttur mótsstjóra Króksmótsins sem og Eysteini Pétur Lárussyni framkvæmdastjóra KSÍ.Meira -
Aldrei dauð stund á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.06.2026 kl. 08.45Nóg er um að vera á Norðurlandi vestra þessa dagana. Núna um helgina verða alls kyns viðburðir og hátíðir, Græni salurinn í Bifröst, HIP Fest á Hvammstanga, Rabarbarahátíðin á Blönduósi og Seinasta sveitaballið hjá Greifunum í Miðgarði.Meira -
Hollvinnir og kvenfélög afhentu HVE á Hvammstanga góða gjöf
feykir.is Vestur-Húnavatnssýsla, Mannlíf 26.06.2026 kl. 08.39Fimmtudaginn 18. júní síðastliðinn fékk heilsugæslustöðin á Hvammstanga formlega afhent EKG tæki frá Hollvinasamtökum Heilbrigðisstofnunar Hvammstanga, Kvenfélaginu Freyju, Kvenfélaginu Iðju, Kvenfélaginu Iðunni, Kvenfélagi Staðarhrepps og Kvennabandinu.Meira -
Óvænt heimsókn í Skagafjörðinn
feykir.is Skagafjörður, Lokað efni 25.06.2026 kl. 15.35Farþegaskipið Scenic Eclipse kom óvænt til Sauðárkróks í morgun en för þess var upprunalega heitið til Grænlands. Hafís við Grænland hafði áhrif á siglingaáætlunina og því kom skipið í Skagafjörð frá Ísafirði.Meira
