Björgunaræfingar á sjó
Björgunarsveitirnar Strönd á Skagaströnd og Húnar í Húnaþingi voru með björgunaræfingu á sjó síðastliðinn sunnudag. Þyrla Landhelgisgæslunnar TF-LIF, björgunarskipið Húnabjörg frá Skagaströnd og björgunarbáturinn Birna frá Hvammstanga tóku einnig þátt í æfingunni.
Samkvæmt vef Björgunarsveitarinnar Strandar var þetta þriðja eða fjórða tilraun til að hafa svo umfangsmikla björgunaræfingu en hefur alltaf eitthvað komið uppá til að koma í veg fyrir hana en á sunnudaginn gekk allt eftir.
Þyrlan mætti til Skagastrandar upp úr kl. 16 og Húnar komu frá Hvammstanga á björgunarbátnum Birnu, sem þeir festu nýverið kaup á. Saman héldu svo allir vestur fyrir Höfðann þar sem björgunaræfingin fór fram.
Veðrið var ekki upp á marga fiska en vindur var norðaustanstæður 11-14 m/s og rigningarsuddi sem í raun voru ágætar aðstæður til björgunaræfinga, þar sem veður er ekki alltaf eins og best er á kosið þegar neyðin kallar.
Æfðar voru hífingar á fólki þar sem menn voru hífðir að og frá borði Húnabjargar. Svo var æft að hífa úr björgunarbát og úr sjó og loks að hífa í og úr harðbotnabát.
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
