Blanda og Strönd koma til aðstoðar á Kjalvegi
Björgunarsveitirnar Strönd og Blanda bárust beiðni um aðstoð á Kjalvegi upp úr kl. 20 sl. föstudagskvöld þar sem bíll sat fastur í krapa. Þegar komið var á staðinn var búið að ná bílnum upp með aðstoð jeppamanna á tveimur jeppum sem voru þar á ferð og óku fram á þá fasta.
„Krapi og drulla eru einhverjar verst festur sem hægt er að lenda í og eru menn löngu búnir að læra að betra er að senda tvo bíla strax, en þurfa svo kannski að bíða eftir liðsauka síðar meir. Nú svo geta þeir sem aðstoða eiga sjálfir orðið ósjálfbjarga í krapa og drullu og þá betra að vera fleiri á ferð en að vera einbíla,“ segir á heimasíðu Björgunarsveitarinnar.
Samkvæmt heimasíðunni gekk ferðin mjög vel og var nánast auður vegur þar til komið var að Kvennabrekku, en þar byrjaði smá snjór en ekkert að ráði.
Þegar nánari fréttir bárust af bílnum var ljóst að hann væri fastur í læk suðvestan við Dúfunefsfell og að ökumaður og farþegar væru búnir að reyna mikið til að losa bílinn, nánast hreinsa allt í kringum hann þannig að ekki ætti að þurfa mikið til að ná honum upp. Sem fyrr segir var búið að ná bílnum upp þegar komið var á staðinn með aðstoð jeppamanna á tveimur jeppum sem voru þar á ferð.
Ferðalangarnir höfðu orð á því að þeim væri þætti verst að vera búnir að „plata“ þá alla þessa leið en var sagt að hafa ekki áhyggjur af því, „það væri bara ágætt að fá sér svona góðan kvöldrúnt,“ svöruðu björgunarsveitarmenn. Ferðalangarnir slógust svo í för með Blöndu og Strönd til byggða og gekk það að þeirra sögn bara vel.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
