Blönduós fagnar 150 ára afmæli
feykir.is
Austur-Húnavatnssýsla, Mannlíf
02.11.2026
kl. 15.37
Hátíðahöld í tilefni 150 ára afmælis Blönduóss fara fram laugardaginn 7. nóvember 2026. Forseti Íslands mun heiðra samkomuna með nærveru sinni og afhjúpa minnisvarða um Bríeti Bjarnhéðinsdóttur í lok hátíðardagskrár.
Árið 2026 eru liðin 150 ár frá því að verslun hófst á Blönduósi árið 1876. Upphaf verslunar markaði tímamót í sögu byggðarinnar og lagði grunninn að þróun Blönduóss sem verslunar-, þjónustu- og síðar stjórnsýslukjarna fyrir Húnavatnssýslur. Á þessum 150 árum hefur Blönduós tekið miklum breytingum og hefur byggðin þróast í öflugt samfélag Húnabyggðar þar sem verslun, þjónusta, menntun, landbúnaður og atvinnulíf hafa skipað mikilvægan sess.
Hátíðardagskránni lýkur með því að forseti Íslands, Halla Tómasdóttir, afhjúpar minnisvarða um Bríeti Bjarnhéðinsdóttur, eins helsta brautryðjanda kvenréttindabaráttu á Íslandi, sem afhentur var sveitarfélaginu fyrr á árinu. Bríet fæddist að Haukagili í Vatnsdal árið 1856 og átti rætur sínar í því samfélagi sem nú tilheyrir Húnabyggð. Hún var frumkvöðull í baráttu fyrir menntun, kosningarétti og jafnri samfélagsþátttöku kvenna. Þannig verður hátíðin ekki aðeins tilefni til að fagna 150 ára sögu Blönduóss, heldur einnig til að minna á mikilvægi sveitarfélaga sem grunnstoða lýðræðisins og heiðra þá baráttu fyrir jafnrétti og mannréttindum sem hefur mótað íslenskt samfélag.
Nánari dagskrá hátíðarinnar er hægt að sjá hér að neðan:
Fleiri fréttir
-
Guðni prófessor kynnti bók sína um landhelgismálið
feykir.is Skagafjörður, Listir og menning, Lokað efni 02.11.2026 kl. 14.29„Í Safnahúsinu á Sauðárkróki er mikið um að vera þessa dagana eins og vera ber þegar hið svokallaða jólabókaflóð er hafið. Sagnfræðingurinn Guðni Th. Jóhannesson heimsótti okkur á Héraðsskjalasafn Skagfirðinga 29. október og kynnti bók sína Vald hinna veiku. Saga landhelgismálsins, 1971–1974. Eins og almenningi er kunnugt þá var Guðni forseti Íslands frá 2016 til 2024 en gegnir nú stöðu prófessors í sagnfræði við Háskóla Íslands,“ svaraði Sólborg Una Pálsdóttir forstöðumaður Héraðsskjalasafns Skagfirðinga þegar Feykir spurðist fyrir um heimsókn GuðnaMeira -
Bjarni fékk gullmerkið
feykir.is Skagafjörður, Íþróttir, Hestar, Lokað efni 02.11.2026 kl. 12.50Á landsþingi LH núna um síðustu helgi voru átta einstaklingar sæmdir gullmerki LH. Í þeim hópi var meðal annars varaformaður Skagfirðings, Bjarni Jónasson sem rekur glæsilega tamninga- og þjálfunaraðstöðu í Borgargerði við Sauðárkrók.Meira -
Yfir 200 krakkar væntanlegir á hrekkjavökuball á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 02.11.2026 kl. 09.45Miðvikudaginn 4. nóvember verður heldur betur líf og fjör í Félagsheimilinu á Blönduósi en þá fer fram hrekkjavökuball fyrir nemendur í 5.–7. bekk af öllu Norðurlandi vestra. „Þetta er í fyrsta sinn sem sameiginlegt ball er haldið fyrir miðstig í landshlutanum og er von á yfir 200 krökkum,“ sagði Kristín Ingibjörg Lárusdóttir þegar Feykir spurðist fyrir um hrekkjavökuball á Blönduósi.Meira -
Grunnskólinn austan Vatna þriðja árið í röð í úrslitum Málæðis
feykir.is Skagafjörður, Listir og menning, Mannlíf 02.11.2026 kl. 09.23Unglingastig GAV tók þátt í verkefnavinnu á vegum Málæðis nú í haust en lagahöfundurinn og íslenskufræðingurinn magnaði, Bragi Valdimar Skúlason sem oft er kenndur við Baggalút, samdi laglínu. Bauðst nemendum um allt land síðan að semja texta við lagið.Meira
